Luk 7:16 - DAWAN BÎLA AISKA

¹⁶ Upla sut naha diara kaikan ba ra, sibrin taki, mahka Gâd ra mayuni, win: —Prapit kum bal takan. Baku sin aisi kan: —Gâd balan ai uplika nani ra hilp munaia.

Luk 7:16 ပူးပေါင်းရင်းမြစ်များ

Lawana Nani 65:9

Man bui tasba ba main kaiki brisma, lî bliki yaram ai mâ ailal sakisa, man bui tingni kârma laya ba yaram plapisa, bara yaram plawar mâ nani alkisa. Baku sika tasba ba ridi daukisma, mâ nani pâwaia dukiara.

Impakan Sturka 4:31

Bara upla nani ba sut kasak lukan, baku bamna witin nani sin ai dara walata Dawan ba witin nani ai inanka ba walan, bara sut ai pura suni mayunan.

Jirimaya 33:9

Jerusalem ba yang liliaki tawanka takbia, nisan nani sut nakra ra pain kaikbia prana kabia tasba ra. Nisan nani walbia upla nani aisi kabia, yamniki nani sut Jerusalem uplika nani ra yabi kamna ba ra, yu yamni nani kli yamna ba ra, witin nani sibrin dauki tatatwi kabia.”

Matiu 15:31

Upla sut tâ iwan, kan bîlas nani sturi aisi kan, mihtas nani bara klahklas nani ba rawan kan, mina skahwa nani ba wapi kan, bara blain nani diara kaiki kan. Upla sut mita Israel Gâdka ra mahka mayunan.

Matiu 21:11

Bara upla nani ba bila: —Naha na prapit Jisas, Galili tasbaya ra Nasaret tawanka ba wina.

Matiu 28:8

Bara mairka nani aihni pali raiti ba wina wan, sibrinkira bara lilia pali sin; bara plapan man wih ai disaipilka nani ra sturka ba maisa pakan.

Matiu 9:8

Upla nani naha kaikan ba ra, sirang iwi banhwan, bara Gâd ra mayunan upla nani ra baku karnika yaban ba dukiara.

Luk 1:65

Baha mita, ai watla lamara iwi uplika nani tâ iwan pali takan, bara naha sturka na ban sin Judia ilka kuntrika aiska ra brih wan.

Luk 1:68

“¡Dawan ba yamni pali kabia, witinka Israel Gâdka ba, ai uplika nani ra swaki sakaia dukiara balan bamna!

Luk 19:44

bara ban tasba ra sin mai batakbia. Upla nani man ra iwi banhwi ba sut sin ikan kabia, bara man ra walpa kumi walpa wala purara ban swin kabia apia, Gâd mai swaki mai sakaia balan piua ra man mita tawi kaikras kapram ba mita.”

Luk 2:20

Sepad nani kli mahka tawi wan, Gâd ra mayunan kan, dîa dîa witin nani kaikan bara walan ba dukiara, kan dîa dîa witin nani ra aisin ba kat takan bamna.

Luk 24:19

Pana witin bila: —¿Dîa takan ki? Witin nani bila: —Jisas Nasaret wina ba dukiara sika, witin lika prapit karnakira kata, diara daukaia mapa ra bara aisaia mapa ra sin, Gâd mawanra bara upla nani mawanra sin.

Luk 5:26

Upla sut baha kaiki tâ iwan, Gâd ra sin mayunan, bara sibrin uya kira naku win: —Yawan naiwa diara aihka pali kaikan sa.

Luk 5:8

Baku bamna, Pita naha kaikan ba ra, Jisas mawanra ai lula kriki, naku win: —¡Yang wina taks, Dawan, yang na upla kum saura sna bamna!

Luk 7:15

Baha sim piua ra, pruan kata ba bûi iwan, mahka sin sturi aisin, bamna Jisas bui yaptika ra yan.

Luk 7:39

Jisas ra paiwan parisika ba mita naha kaikan piua ra, ai kupia ra naku lukan: “Naha waitnika na prapit kum kata, ai dara walaia kan witin ai taya ra kangbi mairka ba ya sapa, kan witin lika saura lâka dadaukra sa.”

Luk 8:37

Naha wal, Gerasa kuntrika uplika nani sut mita Jisas ra makaban, baha wina mahka taki wabia, witin nani sibrin dauki kan ba mita. Baku bamna, Jisas duri tara ra aimaki, baha wina mahka wan.

Luk 9:19

Baha nani mita pana win: —Upla kum kum bila man ba Jan Tatahbra wisa, wala nani bila lika man ba Ilayas, bara kau sin wala nani wisa, man ba patitara prapitka nani kum pruan wina buram sa.

Jan 1:21

Kli prîs bara Libait nani bui makabi walan: —Ban kaka, ¿man ba ya? ¿Man ba prapit Ilayas? Pana Jan win: —Yang baha apia sni. Witin nani kli kli makabi wali kan: —Bamna, ¿man ba baha prapit balaia kata ba ki? Bara Jan bui witin nani ra win: —Apia.

Jan 1:25

makabi walan: —Bamna man ba Misaya apia, Ilayas sin apia, bara baha prapitka ba sin apia, ¿baku kaka dîa kan upla nani ra tahbi daukisma?

Jan 4:19

Naha walan ba ra, mairin ba bila: —Mâsa, yang kaikisni man na prapit kum sma.

Jan 6:14

Bamna upla nani ba Jisas naha sainka aihka pali daukan kaiki, naku win: —Kasak pali, naha sika prapit tasba ra balaia kan ba.

Jan 9:17

Bara blain kan rawan waitnika ra kli makabi walan: —¿Bara man ba dîa wisma baha waitnika namkra maikan ba dukiara? Waitnika ba bila: —Yang lika wisna baha waitnika ba prapit kum sa.

Apastil Nani Sturka 5:5

Ananías naha walan ba ra, tasba ra kauhi pruan; bara upla sut baha sturka walan ba sibrin pali takan.

Apastil Nani Sturka 7:37

Naha sim Moseska sika Israel luhpia nani ra naku wisata ba: ‘Gâd mita prapit kum mai blîkbia, man nani muihkam nani tila wina, sim yang ai blikan baku. Man nani bui witin bîla wali bas.’

Galesha 1:24

Bara yang dukira Gâd ra mayuni banhwi kan.

Kli Smalkanka 18:15

“Dawan Gâdkam mita prapit kum yang baku man nani tilam wina maikbia, bara man nani lika witin ra bîla walma.