Luk 6:49 - DAWAN BÎLA AISKA

⁴⁹ Sakuna ya yang bîli wali, dîa wisna ba kat daukras ba lika waitna kumi ai watla paskan ba baku sa, witinka ba ai watla playa ba kasak bapras kan; bamna lisamra dingkan ba pupuhki, ai karnika aiska ni watla ra prukan ba ra, aiska pali kauhi slingwan.”

Luk 6:49 ပူးပေါင်းရင်းမြစ်များ

Sins Lâka 28:18

Upla kasakkira swak takan lâka ra mangkan kabia, sakuna yabal warha ra tauki nani ba lika, trabil kum ra kauhbia.

Isikiel 33:31

Baku bamna, upliki ba aula Dawan lamara, bara bal iwbia, ai natka ba baku, bîlam ba walaia. Kuna walan daukras. Kli kli aisisa latwan lâka lawana ba baku, kuna ai kupia ba lika lalah ninara auya sa.

Oseas 4:14

Sakuna luhpiam mairin nani rug takisa wisi, klala yabamna apia, mulam yaptika nani, ai maya nakra praki banhwi ba sin apia, kan man nani pali sin rug mairin nani ba wal auma bamna; sakripaiskam daukaia, baha mairka nani aikuki asla takisma; witin nani ai pura sunaia lan taki baku ai maya lâka krikaia warkka dauki ba. ¡Sins lâka briaia tânka briras uplika nani ba baku rungwisa!

Matiu 23:3

Baku bamna, man nani bîla wals, dîa daukma mai wibia ba sin dauks; sakuna ai daukanka saura nani ba nina blîkpara, kan witin nani dîa smalki ba kat daukras, diara wala baman daukisa.

Matiu 24:10

Baha piua ra upla ailal ai kasak lukan lâka ba tikbia, bara pana pana ai walka ra misbara kaikan kabia, waihla mihta ra sin mangkbia.

Mark 4:17

sakuna ai wakia nani ba aitani kat briras bamna, aihwa sip takaskras; bara trabil tara brisa, sturi yamni ba dukiara rausauhkanka aula ba ra, witin nani ba batakan sa.

Luk 12:47

“Ani albika ai dawanka dîa want ba pain kaikras, kuna ridi taki bîla kat wali daukras ba, witin ra kasak prukan kabia.

Luk 19:14

Sakuna ai kuntrika uplika nani mita misbara kaikan, bara witin ninara upla nani bliki, maisa paki, win: ‘Yang nani want apia sna naha waitnika wan kingka kabia.’

Luk 19:27

Bamna waihli nani yang ai kingka ai briaia apia win ba, nahara brih bal, maiwan kat sut iki banhs.’ ”

Luk 6:46

“¿Dîa kan man nani bui yang ra ‘Dawan, Dawan’ ai wisma, sakuna dîa mai wisna ba lika daukras sma?

Luk 6:48

baha ba lika waitna kumi ai watla mâkan baku sa, witinka ai watla playa ba kasak pakni salhkan bara walpa purara bapan. Lisamra ba dingkan, lî ba baha watla ra karna prukan, sakuna sip batakras kan, ai watla playa ba walpa ra kasak bapan kata bamna.

Luk 7:1

Jisas bui upla nani ra aisi luan ba ra, witin Kapernaum ra wan.

Jan 15:2

Witin mita ani tnawa sip ai mâ sakras ba klaki sakisa, sakuna ani tnawa ai mâ saki ba lika dauhbi klin daukisa, ai mâ kau sâkbia dukiara.

Apastil Nani Sturka 20:29

Bamna kaikisna, yang wamna ningkara, upla wala nani balbia, serts ra upla nani bâra ba sauhkaia, bara sin yul wail prautkira nani mita sîp nani âpu dauki ba baku kabia.

Apastil Nani Sturka 26:11

Aima ailal sin witin nani ra klala yâri, ai kasak lukanka ba swibia wisi. Naha dauki kapri Ju nani priaska watla bani ra. Witin nani mapara sin kupi baiki ban nina bliki rausauhki kapri, plis tringsar nani ra sin.

1 Tesalonaika 3:5

Baha mita sika, yang mita Timoti ba blikri balan. Yang kau baha trabilka wahwaia sip apia katna, baha mita yang bui witin ba blikri man nani kasak lukankam lâka tânka ba mamkabi walaia wisi. Kan yang sibri kapri dibil man nani ba saura lâka ra pat mai batakan sa wisi, baku sa kaka, wark dauki banhri ba sut bahki baman kaia kan bamna.

2 Pita 2:20

Baku sin, baha nani wan Dawan Sasakra Jisas Kraist wal kakaira takan ba, witin nani lika naha tasba tâskika wina swak takan sa, sakuna baha diara tâski nani ba mita kli blaki pura lubia kaka, witin nani lika kanra kata ba wal kau saura takan sa.

1 Jan 2:19

Witin nani ba lika yawan wan tila wina takan sakuna kasak pali mai wisna, baha nani ba yawan nani wina apia sa, kan yawan wina kata, witin nani yawan wal ban kaia kan. Sakuna baha ba baku ban takan, upla nani mita param kaikbia dukiara, baha nani ba kasak pali yawan wan tila na wina apia sa.