Luk 6:38 - DAWAN BÎLA AISKA

³⁸ Yas upla wala nani ra, bara Gâd bui pana man nani ra maikbia. Pakitkam ra aitani pali maikbia, lasbi, singbi, bara banhki pali. Gâd bui man nani ra mai kulkan kabia, dîa kulkanka wal pana upla wala ra kulkma ba.”

Luk 6:38 ပူးပေါင်းရင်းမြစ်များ

2 Samuil 19:36

Kainara yang bui man ra mamkabamna, aikrika man wal wamna Jordan luaia baman dukiara, ¿bara king ba dîa mana yang ra naha prisantka aikaia ai wisa?

Ester 7:10

Bara Amán ba baku langki ikan, Mardoqueo ra langki ikaia wisi paskan kan ba dusa ra. Bâra lika king kupia sauhkanka ba lamni takan.

Ester 9:25

Sakuna Ester ba king kaikaia balan ba ra, king mita ulbi adar yaban baha waitnika ai lukanka ra saura luki, Ju nani ra sauhki tikaia daukan ba witin ai lal ra kabia, witin ra bara ai luhpia nani ra sin dus ra pami langki ikbia.

Job 42:11

Bamna ai muihni nani, ai lakrika nani bara ai pânika nani sut mita kaikaia wan, patitara kakaira nani kan ba sin, sut asla witin nani pata tara kumi daukan ai watla ra, bara witin nani sut Job dukiara uya pali sari taki banhwan bara uya maisa nihkan Dawan mita baku pali klala yan ba dukiara, kumi bani mita lalah yan bara gul mihtadingka sin yan.

Lawana Nani 79:12

Man, Dawan, aima 7 pana saura muns, laimara uplika nani ra, witin nani man kupiam sauhkan bamna;

Impakan Sturka 21:24

Nakra kaka, pana sin nakra, napa kaka, pana sin napa, mihta kaka, pana sin mihta, mina kaka, pana sin mina.

Sins Lâka 10:22

Dawan yamni wan muni ba yuyakira wan sakisa; witin wal aikuki, sari lâka prakras sa.

Sins Lâka 19:17

Diara luha uplika ra diara lin muni ba, witin Dawan ra lin munisa; bara Dawan wina witin ra ai mana ba kli aibapbia.

Sins Lâka 22:9

Upla wala ra yamni kaiki uplika ba, yamni pali munan kabia, witin ai pata ba wina umpira nani ra yabi bamna.

Jirimaya 32:18

Kiamka tausin nani ra latwan kaikisma tânka ba man marikisma, sakuna man sin upla ra klala yabisma aisika nani saura daukan ba tâka. ¡Âu, Gâd, man tara pali karnika sut brisma, man ninam ba Dawan karnika sut bri ba!

Matiu 10:42

Bara ya ya baha sirpika nani kum ra, nini bliki ba dukiara lî kauhla kâp kum pan yabia kaka, ai prisantka briaia kabia.”

Matiu 7:2

Man nani upla wala nani lâka aisi daukisma ba baku, witin lâmka aisi daukbia, bara uplikam ra dîa kulkaika ni kulkisma ba, baha sim kulkaika ba ni Gâd mita mai kulkan kabia.

Mark 4:24

Naku sin witin win: “Aman kaiks man nani dîa walisma ba. Man nani dîa kulkaika ni kulkisma ba, baha ni sika Gâd mita mai kulkbia; bara kau pura praki maikbia.

Luk 6:30

Upla mita dîa mamkabia ba, yas; upla mita dukiam mihtam dakbia kaka, kli maikbia makapara.

Kli Smalkanka 15:10

Wirha mai taibras kira ban hilp muni bas, kan baha daukisma mita diara sut daukma ba ra Dawan Gâdkam yamni mai muni kabia.

Jems 2:13

Kan ya ya ai uplika ra umpira kaikras kaka, witin ra sin umpira kaikras kira ai lâka daukan kabia; sakuna ani uplika umpira kaikan lâka bri kan kaka, lâ daukbia yua ra witin mita pura lubia.

Wihta Nani 1:7

Bara Adonisédec aisin: “Yang bui pat king nani 70 mihta bara mina wihtka nani ba klaki dakbri sa, bara yabri witin nani tibilki munhtara plun yuyaka nani wahbi pi kan. Sakuna nanara yang wala nani ra dîa munri ba baku, Dawan sin yang ra ai daukan.” Bara witin nani bui witin ba Jerusalem ra brih wan, bahara witin pruan.