Luk 6:27 - DAWAN BÎLA AISKA

²⁷ “Yang ra ai walisma nani ra lika mai wisna: Waihlam nani wal lamtwan bas, misbara mai kaiki nani ra yamni muns,

Luk 6:27 ပူးပေါင်းရင်းမြစ်များ

1 King Nani 13:6

Bara king ba Gâd prapitka ra win: —Mamkabisna, Dawan Gâdkam ra yang dukira pura suni makama, baku mika mihti na kli yamni takbia. Bara prapit Dawan ra ai pura sunan, bara king mihta ba kli yamni takan pas kata baku.

Lawana Nani 7:4

¿Dîa yang pâinika kum ra, saura munri ki, yamni ba watlika ra? ¿Dîa yang waihli ba, pâtkas kan rausauhki taibri ki?

Sins Lâka 24:17

Waihlam kumi kauhbia ba ra, lilia taki lilia tara daukpara; witin sin ai mina pruki ba ra man âmyapah takpara.

Sins Lâka 25:2

Dawan prana tara ba sika diara tânka nani yukuki briaia ba, bara king nani prana diara tânka nani ba pliki sakaia ba.

Mark 4:24

Naku sin witin win: “Aman kaiks man nani dîa walisma ba. Man nani dîa kulkaika ni kulkisma ba, baha ni sika Gâd mita mai kulkbia; bara kau pura praki maikbia.

Luk 23:34

Witin nani dus prihni ra sabi kan ba ra, Jisas bila: —Aisa, naha pâtka na witin nani ra ban swih tiks, kan witin nani dîa dauki sapa ai tânka briras. Bamna suldiar nani Jisas kwalka ba yaura tawbia sapa kaikaia, lat lulkan.

Luk 6:22

“Liliam bas man nani upla nani misbara mai kaiki ba ra, mai kangbi mai saki, bara lamhtubi, swiram dauki bahki sin mai alki diara saura baku mai munbia, Upla Luhpia Waitna tâwan.

Luk 6:35

Sakuna man nani lika waihlam nani ra latwan kaikaia sma, yamni sin munaia, bara diara lin munisma kaka, kli briaia bîla kaikpara. Baku lika mamna tara brima, bara Gâd Laih Purara iwi ba luhpia nani kama, kan witin lika latwankira sa, tingki lukras nani bara saurakira nani mapa ra sin.

Luk 8:15

Sakuna saumuk mâ nani tasba pain ra kauhan ba sika, baha uplika nani ai kupia pain ni, ridi pali Dawan bîla smalkanka ba waluya, bara piua bani kasak ban sa, bara mâ pain pali sakuya.

Luk 8:18

“Baku bamna, pain wals; ya diara bri ba, witin ra kau yan kabia, sakuna ya âpu ba lika, witin dîa brisa luki ba sut ai mihta dakban kabia.”

Luk 8:8

Sakuna mâ wala nani lika tasba pain ra kauhan, bara pâwan, mâ pain yan, mâ bani wina tila handat prais sin sakan.” Jisas naha diara aisin ningkara, witin ai bîla baikra karna wini, naku win: “¡Man nani kiamam nani walaia brisma kaka, pain wali banhs!”

Apastil Nani Sturka 10:38

Man nani kaikisma Gâd Jisas Nasaret wina bara Spirit Holikira karnika yan ba, witinka diara pain man dauki tauki kan, bara baha nani dibil karnika mununhtara pât wahwi kan ba sut rakan. Baku daukaia sip kan, Gâd lika witin wal kan bamna.

Apastil Nani Sturka 16:28

Sakuna Pal ai tâ baiki winan: —¡Man wînam ra watawi munpara, kan yang nani sut nâra sna!

Apastil Nani Sturka 7:60

Baha ningkara, witin ai lula kriki ai bîla baikra karna wini aisin: “¡Dawan, naha saurka na witin nani ra kulkpara!” Bara naha aisin ningkara, pruan.

Galesha 6:10

Bamna ani piua yawan sip ba ra, upla sut ra diara pain nani dauki kap, bara kau aiska pali lika, kasak lukan lâka ra wan muihni nani ba sut ra.

1 Tesalonaika 5:15

Aman kaiks, upla kum mita wala ra saura munbia kaka, pana saura munbiara. Sakuna, man nani piua sut pana pana walkam wal diara yamni ba daukaia trai muni bas, bara upla sut wal aikuki sin.

3 Jan 1:11

Muihki laitwankira, tânka saura nani nina blîkpara, kuna tânka pain ba lika. Ya diara pain dauki ba Gâd wina sa, kuna ya saura dauki ba lika, Gâd kakaira apia sa.