Luk 6:23 - DAWAN BÎLA AISKA

²³ Baha piua liliam pali bas, liliam aibanhwi bas, kan man nani kasbrika purara ba wina prisant tara brima; baha sim natka ra sika baha uplika nani damika nani mita prapit nani ra saura munan.

Luk 6:23 ပူးပေါင်းရင်းမြစ်များ

2 Samuil 6:16

Dawan lâ auhbaia watla ba Debit Tawanka ra brih wan ba ra, Mical, Saúl luhpia mairin ba, windarku biki kaikan; bara Debit lika Dawan mawanra srutwi dans puli kan ba kaikan ba ra, witin dukiara ai kupia ra saura lukan.

1 King Nani 18:4

kan Jezabel bui Dawan prapitka nani ra iki tiki kata baha piua ra, Abdías bui prapit 100 brih, dakni wâl ra baiki saki, tasba unta ra yukuki bahara brit lî wal dakaki kan.

1 King Nani 19:10

Witin pana win: “Dawan, daihra walri, Dawan karnika sut alki brisma ba tâwan uya pali lawri sa, kan Israel luhpia nani man lâmka ba swin, bara altarkam nani sut batakan, bara prapit nani sut sin ikan sord ni. Bara yang baman takaskri, bara ai plikisa rayaki na sakaia dukiara.”

1 King Nani 19:14

Bara witin mita pana win: “Daira walri, Dawan, man karnika sut alki brisma ba tâmwan uya lawisna, kan Israel luhpia nani man lâmka ba swin, man altarkam nani ba sut sauhki tikan, bara prapit nani sord ni baman ikan, bara yang baman takaskri, bara yang ra sin ai ikaia plikisa.”

1 King Nani 19:2

Bara Jezabel bui maisa papakra kum Ilayas ra blikan bara win: “¡Man ba Ilayas sma, yang na Jezabel! Yauhka naha awarka ra yang bui baha Baal prapitka nani ra munram ba baku, man ra mai munras sna kaka, gâd nani ba bui kau saura pali ai munbia.”

1 King Nani 21:20

Bara Ahab bui Ilayas ra win: —¿Baku bamna man, yang waihli sma ba, kli ai sakram ki? Bara pana aisi, win: —Âu, pliki mai sakri, kan man ba Dawan lamara saura baman daukisma.

1 King Nani 22:27

Bara witin nani ra wis, yang wisni, waitnika na silak ra mangki bri kabia, plun uya yabia apia, brit lî wal baman, yang pruras kli tawi balamna ba kat.

1 King Nani 22:8

Bara Israel kingka ba mita pana Josafat ra win: —Waitna kum nâra sa, yawan sip sa witin bâk Dawan ra aisaia. Baha lika Micaías Imlá luhpia ba, sakuna yang mita baha kulkras, kan aima kumi sin diara yamni dahra aisi ai wiras sa, sakuna saura baman. Bara Josafat mita win: —Baku man aisapara.

2 King Nani 6:31

Bara king ba wini aisin: “¡Gâd bui yang ra klala aikbia naiwa, yang bui Ilaidsa Safat luhpia waitna nana ba dakbras kamna kaka!”

2 Kronikas 36:16

Sakuna Gâd blikan uplika nani ra lawaska kikan, maisa papakra nani ra sin kulkras kan, prapit nani ra lawaska kikan, Dawan kupia baiwanka balan kat ai uplika nani mapara, bara diara wala daukaia âpu kan.

Nihimaya 9:26

“Sakuna witin nani man bîlam wali daukras kan, mampara buan, bara man lâmka ba bahki kulkan. Baha purkara, prapitkam nani ba witin nani mita ikan, kan baha nani witin nani ai mapara param aisi kan, bara win ai kupia lakbia, baha tâwan minam prukanka tara dauki kan.

Lawana Nani 58:11

Bâra mika wibia: “¡Aitani pali sa, upla ba kasak kaia ba! ¡Dawan kum bâra sa, tasba aiska ba lâka daukisa!”

Aiseya 35:6

bâra mika skahwa nani ba sula srutwi pâli baku srutwi kabia, bara baha nani sturi aisaras twisa nani ba sin ai pura winbia. Upla iwras tasbaya, tasba lâwan wina lî kârma nani sin takbia.

Jirimaya 2:30

Bahki baman luhpiam nani ra klala yabri, smalkanka ba witin nani lan takaia brin daukras. Man nani klauna layan kras baku, prapitkam nani ba ikram.

Malaquía 4:1

Karnika sut bri Dawanka ba aisisa: “Yua ba aula sa, kubus lapta takan ba baku, prautkira watawikira nani ba sut twi lâwan baku pauta klauhan kum ra ambia. Baha yua aula ba mita angki witin nani sut âpu daukbia.

Matiu 5:12

Liliam pali bas, man nani âmyapah sin bas, kan kasbrika purara mamna tara kum bâra sa bamna, kan baku sin upla saura nani mita prapit nani ra rausauhkan baha nani kainamra bâra kan nani ba ra.

Luk 1:41

Baku mika, Elisabet Meri ai lakula nan daukan ba ra, ai biara ra ai luhpia ba pulan, witin sin Spirit Holikira ni aibanhwan.

Luk 1:44

Kan lamkula nan walri wal baku, luhpi biaira ra lilia pâlan.

Luk 6:35

Sakuna man nani lika waihlam nani ra latwan kaikaia sma, yamni sin munaia, bara diara lin munisma kaka, kli briaia bîla kaikpara. Baku lika mamna tara brima, bara Gâd Laih Purara iwi ba luhpia nani kama, kan witin lika latwankira sa, tingki lukras nani bara saurakira nani mapa ra sin.

Apastil Nani Sturka 14:10

Bara ai bîla baikra karna wini, win: —¡Man minam ra wapni bus! Bara waitnika kata ba pâli tit bûi, mahka wapan.

Apastil Nani Sturka 3:8

Baha pali yua ra, skahwa waitna ba ai mina ra pali tit bûi, mahka wapan. Bamna witin apastil nani aikuki tempel ra diman, wapi ban srutwi, Gâd ra mayuni kira.

Apastil Nani Sturka 5:41

Apastil nani lika lâ wihtka nani mawan wina liliakira pali taki wan, kan Gâd mita adar yan kata, witin nani ba Jisas nina tâwan swira bara pât wahwaia sin.

Roman 5:3

Bara naha baman apia, sakuna pât wahwan tilara sin yawan ban lilia sa, kan yawan kaikisa pât wahwan ba mita bapi buaia wihka bîla kaikaia lâka wankisa.

2 Korint 12:10

Baha ba mita swapnika lâka nani wal lilia sna, swira paskan lâka nani, dîa dîa want kaia, rausauhkan lâka nani Kraist tâwan trabil nani brisna ba sin. Kan ani piua kau swapni sna kaka, kau karna sna baku daira walisna.

Kolosi 1:24

Bamna nanara lilia sna, man nani tâmwan pât wahwisna ba, kan naha natka bâk, yang wîni tara ra kaikisna Kraist pât wahwanka nani kau âpu ba ai sertska dukiara, witin ai wîna tara ba.

2 Timoti 2:12

yawan pât wahwisa kaka, witin wal sin yawan king aimakbia. Yawan bui witin ra apia wibia kaka, pana witin mita sin apia wan wibia.

Hibru Nani 11:26

Witin Kraist tâwan bahki kulkan kaia pâtka wahwaia bani ai wîna ba kau yuyakira kulki kan, Idsip yuyaka aiska bri kaia ba wal; kan Gâd mita mana tara yabaia kan ba kat ai nakra kahbi bri kata.

Hibru Nani 11:6

Upla kum kasak lukan lâka âpu kaka, witin ra Gâd mita sip pain kulkbia apia. Kan ani uplika Gâd lamara waia kaka, kasak lukaia sa Gâd ba bâra sa, bara witin ra pliki uplika nani ra sin mana yabisa.

Jems 1:2

Muihki nani, man nani traika kaikanka nani wina trabil sât sât brima ba ra, lilia kaia sma.

1 Pita 4:13

Sakuna, Kraist pât wahwanka ba wal asla kumi wahwaia sma ba dukiara liliam banhwi bas, bara baku sin witin balaia prana ba kaikma ba ra, man nani lilia pali kama.

Param Marikanka 2:17

¡Ya ai kiama bri ba, Spirit serts nani ra wi ba, witin walaia sa! Ya sip muni pura lubia ba, manâ yukukan ba wina yang mita yârika pibia; bara walpa pihni kum yabamna, bara baha walpaya ra nina raya kum ulban sa baha ba upla kumi sin kakaira apia, uplika brisa ba baman.’

Param Marikanka 2:26

Ya ya sip muni pura lubia ba, bara dîa dîa yang want sna ba ban tnata kat dauki kabia ba, nisan nani purara karnika bri kaia ba yang mita yabamna,

Param Marikanka 2:7

¡Ya ai kiama bri kaka, Spirit mita serts nani ra wi ba pain walaia sa! Ya ya sip muni pura lubia ba, raya kaia dusa Gâd paradaiska ra ba wina, yang mita yârika pibia.’

Param Marikanka 21:7

Bamna ani uplika nani sip muni pura lui bubia ba, naha sut ai dukia bribia; bara yang na witin nani Gâdka kamna, bara witin nani ba yang luhpi nani kabia.

Param Marikanka 3:12

Ani uplika nani sip muni pura lubia ba, yang baha nani ra Gâdki tempelka ra walpa bapanka baku daukamna, bara baha wina kli taki wabia apia ban kaia ra. Witin nani ra Gâdki nina ba ulbamna, Gâdki tawanka nina ba sin, baha ba Jerusalem raya kasbrika purara ba wina bara Gâdki wina aula ba. Witin nani ra sin nini raya ba ulbamni.

Param Marikanka 3:5

Ani uplika nani sip muni pura lubia ba, kwala pihni ni dingkan kabia, bara raya kaia wauhkataya wina, yang ai nina nani ba diki sakamna apia. Aisiki mawanra bara ai insalka nani mawanra sin, yang param wimna witin nani ba yang duki kulkisna.