Luk 6:22 - DAWAN BÎLA AISKA

²² “Liliam bas man nani upla nani misbara mai kaiki ba ra, mai kangbi mai saki, bara lamhtubi, swiram dauki bahki sin mai alki diara saura baku mai munbia, Upla Luhpia Waitna tâwan.

Luk 6:22 ပူးပေါင်းရင်းမြစ်များ

Aiseya 65:5

Witin nani wisa: ‘Man nani bâra takasks, yang laimara balpara; kan yang kau holi sna man ba wal. Baha uplika nani ba sika pauta klauhan aswi ban sa; ai munisa kiasma wan kakma ra kisni dauki ba baku.

Aiseya 66:5

Dawan dîa aisi ba man nani wals, man nani bui witin ai bîla kulkisma ba: “Muihkam nani tila misbara mai kaiki ba, rau mai sauhki ba yang ra puram sunisma ba tâwan, witin nani aisisa: ‘Nanara Dawan ba wan marikbia ai mayunra ba; witin nani ba lilia kaka kaikaia want sna.’ Sakuna baha nani ba swira lâka ra takaskbia.

Matiu 10:18

Wihta tara nani bara king nani mawanra mai brih wabia, yang tâiwan; baku man nani sturi yamni ba aisaia sip kama witin nani mawanra, bara Ju apia nani mawanra sin.

Matiu 10:22

Upla sut mita yang tâiwan misbara mai kaikbia, sakuna ya ya tnata kat ban bapi bubia ba, baha lika swaki sakan kabia.

Matiu 10:39

Ya ai rayaka swaki sakaia lukbia ba, witin lika baha ba tikbia; sakuna ya yang tâiwan ai rayaka tikbia ba, witin baha ba swaki sakan kabia.

Luk 20:15

Bamna witin nani mita insla wina saki, bri si ikan.” Bamna Jisas mita makabi walan: “¿Insla dawanka ba mita baha uplika nani wal dîa daukbia ki?

Luk 21:17

yang tâiwan sin tasba aiska na misbara mai kaikbia.

Luk 6:21

“Liliam bas, man nani nanara plun mai dauki ba, kan man nani âuyapah takma bamna. “Liliam bas man nani nanara inisma nani ba, kan ningkara kiki banhwi kama bamna.

Jan 12:42

Ban sakuna Ju ailal Jisas ra kasak lukan, ban sin Ju wihtka nani sin; sakuna parisi nani sîa upla nani mawanra param aisaras kan, prias watla wina kra kangbi sâkbiara sîa.

Jan 16:2

Ju nani priaska watla nani wina mai kangbi mai sâkbia, bara ban sin piua kum balbia ani uplika mita mai ikbia ba, witin lukbia baha ni Gâd warkka daukisa.

Jan 17:14

Yang bui witin nani ra man smalkankam bîla ba yâri, sakuna tasba uplika nani mita misbara kaikisa, kan baha nani ba naha tasba wina apia sa, yang sin naha tasba wina apia sna ba baku.

Jan 7:7

Tasba uplika nani man nani ra sip misbara mai kaikras sa, sakuna yang ra lika misbara ai kaikisa, kan yang lika witin nani diara saura nani dauki ba witniska sna.

Jan 9:34

Bara witin nani win: —Man lika saurka lâka wina aisubi takram, ¿bamna yang nani ra ai smalkaia lukisma ki? Bamna witin nani Ju nani priaska watla ba wina waitnika ba kangbi sakan.

Apastil Nani Sturka 22:22

Naha bîla kat baman sip kan upla nani ba Pal ra wali kaia, bara witin nani mahka karna wini banhwan: “¡Baha waitnika ba mahka ikaia aitani sa! ¡Naha sât waitnika ba sip apia kau raya kaia!”

Apastil Nani Sturka 24:5

Naha waitnika lika uya saura pali kan yang nani sakri, Ju nani sut tasba aiska ra ba kupia turbisa, witin na sin Nasarin nani tâ uplika kumi sa.

Apastil Nani Sturka 9:16

Yang mita witin ra marikamna nahki pât nani uya yang dukira wahwaia ba.”

Jems 1:12

Ani uplika traika kaikanka trabilka mapara kasak luki bapi bûi ba, yamni pali sa; kan witin baha mapara kasak bapi bubia ningkara, raya kaia lâka ba kraun kum baku witin ra prisantka yaban kabia. Baha sika Gâd mita pramis munan, witin mita latwan kaiki uplika nani ra.

1 Pita 3:14

Sakuna man nani rayakam wapni ba tâwan pât wahwi kama kra, kuna lilia kama. Upla kumi ra sin sîa yapara, si bripara,