Luk 6:19 - DAWAN BÎLA AISKA

¹⁹ Upla sut want taki kan Jisas ra kangbaia, kan witin bui upla nani sut ra ai karnika ni raki kan bamna.

Luk 6:19 ပူးပေါင်းရင်းမြစ်များ

2 King Nani 13:21

piua kum ra waitna kumi pruan kan ba Israel luhpia nani tasba ra biki kan ba ra, baha âimplikra nani daknika kum aula kan ba kaiki, uplika pruan ba Ilaidsa raitika bilara lulki bataki si plapi banhwan. Bara waitnika pruan ba Ilaidsa dusa nani ra kangban ba ra, kli rawi ai mina ra buan.

Matiu 14:36

Witin ra makabi banhwi kan ai prâka tâ pan yarka kangbaia; bara baha kangban ba sut rawi banhwan.

Mark 3:10

Kan upla ailal rakan ba mita, sikniskira nani ba pana pana tukbi kan ai lamara wih kangbaia dukiara.

Mark 5:30

Bara Jisas ai dahra walan ai karnika witin wina takan ba. Bara ai ninara tawi, upla nani tilara kaiki, makabi walan: —¿Ya yang na prâika ra kangban?

Mark 6:56

Bara anira witin diman kaka, tawan sirpi nani ra, tawan tara ra, twi nani ra sin, sikniskira nani ba tawan lila kat tniki kan, bara Jisas ra bik taki kan ai prâka tâ pan yaka kangbaia. Bara ai prâka kangban nani sut rawi kan.

Mark 8:22

Witin nani Betsaida ra wan, upla nani mita waitna blain kum Jisas ra brih balan, bara witin ra makaban ai mihta ni kangbia.

Luk 5:17

Yu kumi Jisas bui upla smalki kan. Bahara iwi kan parisi nani bara Lâ Smasmalkra nani ba sin; witin nani Galili tawanka sirpi bani wina, Judia wina bara Jerusalem wina sin balan kan. Baha sim piua ra, Gâd karnika ba mariki kan Jisas mita, upla siknis nani ba raki.

Luk 6:18

Pirit saura nani mita rausauhki kan ba sin sut rakan.

Apastil Nani Sturka 19:12

Ban angsar nani sin, apia kra kwala wala nani sin witin ra kangban ba, kwalka nani ba siknis uplika nani ra brih wan, bara baha ni siknis uplika nani ba rakan, pirit saura nani ba sin upla nani wina taki kan.

1 Pita 2:9

Sakuna man nani sika kiamka kumi bâk saki brin ba, king prîska nani ba, nisan holikira kum, Gâd uplika nani pali. Bara baha ba baku sa, man nani bui Gâd warkka aihkakira nani ba saki aisama dukiara, witinka mita man nani tihmu tila wina saki, ai ingnika aihka painkira ra dimma wisi mai paiwan ba.