Luk 5:5 - DAWAN BÎLA AISKA

⁵ Saiman pana win: —Smasmalkra, yang nani tihmia aiska wark takri, diara kumi sin alkras; ban sakuna man baku wan wisma bamna, yang tân ba lulkamna.

Luk 5:5 ပူးပေါင်းရင်းမြစ်များ

Isikiel 47:10

En-gadi ba wina En-eglaim kat inska âialkra nani bâra kabia, bara bahara sip kabia ai iliska nani lâkaia. Bara inska ailal pali bara sât sât bâra kabia Mediterráneo kabuka ra baku.

Luk 17:13

witin nani ai pura wini: —¡Jisas, Smasmalkra, yang nani ra kupiam yamni ai kaiks!

Luk 8:24

Bara witin nani wih Jisas ra tatukbi, naku win: —¡Smasmalkra! ¡Smasmalkra! ¡Yawan na rungwisa! Bara Jisas mita pâsa bara rip nani ba ra lawi daukan; bara sâp takan, lamni tara sin balan.

Luk 8:45

Bara Jisas makabi walan: —¿Ya mita ai kangban? Upla sut win witin ra kangbras. Bara Pita ai pânika wala nani sin win: —Smasmalkra, upla nani na mita kutbi mai brisa bara mai taibisa.

Luk 9:33

Bamna baha waitnika nani mahka Jisas wina dakwi taki wan ba ra, Pita bila: —¡Smasmalkra, yawan nâra kaia wirâ pain sa! Kaisa utla sirpi yumhpa daukaia: kumi ba man wamtla, wala ba Moses watla, bara yumhpika lika Ilayas watla. Sakuna Pita witin dîa aisi kan ba tânka briras kata.

Luk 9:49

Bara Jan bila Jisas ra: —Smasmalkra, yang nani kaikri nahki waitna kum man ninam brih, pirit saura nani kangbi saki kan. Bara yang nani wîri baha takaskbia, kan witin yawan aikuki taukras sa.

Jan 15:14

Bamna man nani sika upliki nani, yang dîa mai wisna ba sut daukma kaka.

Jan 2:5

Jisas yaptika bui wark dauki nani ra win: —Dîa dîa witin bui man nani ra mai wibia ba, dauki banhs.

Jan 21:3

Saiman Pita baha nani ra win: —Yang inska alkaia auna. Disaipil wala nani ba bila: —Yang nani sin man wal wamna. Bamna witin nani wih duri kum ra aimakan, sakuna baha tihmika aiska diara kumi sin alkras pali kata.