Luk 5:29 - DAWAN BÎLA AISKA

²⁹ Baha ningkara, Libai ba Jisas dukiara ai watla ra lilia tara kum daukan. Rom ra blikaia, lal mana saki manis bara upla wala nani uya sin witin nani aikuki tibil ra iwi kata.

Luk 5:29 ပူးပေါင်းရင်းမြစ်များ

Matiu 11:19

Baha ningkara, Upla Luhpia Waitna ba balan, witin plun pîsa diara sin dîsa, bara witin nani aisisa bîla maihsira bara diara dadira, Rom ra yaia lal mana wawahbra nani kulkanka saura bri uplika nani ba pânika. Sakuna Gâdka sinska lâka ba ai daukanka nani bâk latan marikisa.”

Matiu 5:46

Man nani ra latwan mai kaiki nani ra baman latwan kaikisma kaka, ¿baha mana dîa prisantka brima ki? Lal mana sasakra nani sin baku daukisa.

Matiu 9:10

Bara baku takan, Jisas ai disaipilka nani aikuki utla kum ra tibil ra plun pi kan, bara Rom ra yaia lal mana wawahbra nani ba, kulkanka saura bri uplika nani ba sin ailal bahara balan. Bara witin nani sin Jisas lamara asla bahara iwan.

Matiu 9:9

Jisas baha wina mahka wan, bara waitna kum wal prawan, ai nina Matiu. Witin ba lal mana wawahbra kan Rom ra yaia bara bahara iwi kata. Jisas mita win: —Nini blîks. Bara Matiu mahka bûi, ai nina blikan.

Mark 2:15

Jisas Libai watla ra plun pi kan, lal mana saki uplika nani, upla saurakira nani sin ai tibilka ra pi kan, Jisas ai disaipilka nani wal lamara, manis ai nina bliki kan bamna.

Luk 15:1

Lal mana saki Rom ra bliki nani bara upla saurakira nani sut Jisas lamara balan, witin ba wina walaia.

Jan 12:2

Bahara Jisas prana daukaia dukiara tutni pata tara kum dauki banhwan; Marta lika plun ba tibil ra kahbi hilp muni kan, bara Lasarus sin Jisas wal tibil ra iwi plun pi kata.

1 Korint 10:27

Kasak lukras uplika kum mita man nani ba ai watla ra plun piaia mai paiwbia kaka, bara man nani wan mai dauki banhwisa kaka, dîa dîa piaia mamwanra kahbia ba pis, bara lukankam klir kaia dukiara man nani diara makabi walpara.