Luk 4:41 - DAWAN BÎLA AISKA

⁴¹ Siknis uplika manis wina pirit saura nani sin takan, bara bîla baikra wini, naku aisi kan: —¡Man ba Gâd Luhpia sma! Sakuna Jisas mita pirit saura nani ra lawi daukan, yan sin aisaras kan, witin nani kaikan witin ba Misaya kan.

Luk 4:41 ပူးပေါင်းရင်းမြစ်များ

Matiu 26:63

Sakuna Jisas sâp kan. Bara prîs nani wihtka ba mita win: —Gâd rayakira ba nina ra, swer taki mamkabi walisna man ba kasak ba kat aisama. Wan wis man ba Misaya, Gâd Luhpia sma sapa.

Matiu 4:3

Bara dibil balan Jisas traika kaikaia, bamna naku win: —Man ba Gâd Luhpia kaka, naha walpaya nani ra adar yas brit takbia.

Matiu 8:16

Tihmia iwan kan, Jisas ra pirit saura bri uplika nani ailal brih balan; bara ai bîla kumi ni baman pirit saura nani ba kangbi sakan, sikniskira nani sut sin rakan.

Matiu 8:29

Bara ai bîla baikra tara wini banhwan: —Jisas, Gâd Luhpia, ¿dîa kan yang nani tilira dimisma ki? ¿Kau piua aimakras kan, yang nani ra rau ai sauhkaia balram ki?

Matiu 8:4

Bara Jisas mita witin ra win: —Kaiks, upla kumi ra sin wipara, sakuna wih prîs ra wînam mariks, bara Moses win ba baku prisantkam yas; baku mika upla nani kaikbia pat rawram ba.

Mark 1:25

Jisas pirit saura ba ra lawi dauki, naku win: —¡Bîlam prak praks, bara waitnika na wina mahka taki was!

Mark 1:32

Lapta diman bara pat tihmia kan, upla sikniskira nani, pirit saura bri nani sut, Jisas ra brih balan,

Mark 1:34

Jisas mita siknis sât sât bri nani ba sut rakan, pirit saura nani sin ailal kangbi sakan. Jisas mita baha piritka saura nani yan sturi sip aisaras, kan baha nani kaikan witin ba ya kata.

Mark 3:11

Bara pirit saura bri kan uplika nani, Jisas ra kaiki ba ra, witin mawanra ai lula kriki, naku ai bîla baikra tara wini kan: —Man sika Gâd Luhpia ba.

Luk 4:39

Jisas mairin ba purara wih aimakupi, rihka ra lawi daukan, bara rihka ba witin wina takan. Baha sim piua ra, mairin ba mahka bûi, witin nani dukia dauki kan.

Jan 20:31

Ban sakuna, naha nani na lika ulban sa, man nani kasak lukma Jisas ba Misaya Gâd Luhpia sa, bara naha kasak lukanka nâk raya ban kaia lâka bri kama.

Jems 2:19

Man kasak lukisma Gâd kumi baman bâra sa, bara baha ba aitani daukisma; sakuna lasa nani ba sin kasak lukisa, bara sibri tatatwisa.