Luk 4:35 - DAWAN BÎLA AISKA

³⁵ Jisas piritka tâski ra lawi dauki, win: —¡Bîlam praks, bara naha waitna na sin swis! Baku mika, pirit tâski ba mita waitna ba witin nani mawan kat tasba ra batakan, mahka sin witin ba wina takan, diara kumi sin watawi munras.

Luk 4:35 ပူးပေါင်းရင်းမြစ်များ

Lawana Nani 50:16

Sakuna upla watawikira ra, Dawan naku wisa: “¿Dîa muni lâika nani nahki daukaia ba, man nani mita aisisma, apia kaka, lâka ba man aisisma,

Sakaraya 3:2

Bamna Dawan insalka mita sitan ra naku win: “¡Dawan lawi mai daukbia! ¡Dawan Jerusalem ra latwan kaiki ba, lawi mai daukbia! Kan naha waitnika sika masku pauta wina sakan baku sa.”

Matiu 17:18

Bara Jisas mita lasa ra lawi daukan; bara witin mahka taki wan tukta waitna ba wina. Bara tuktika ba yamni takan baha piua wina.

Matiu 8:26

Jisas bila: —¿Dîa kan man nani si brisma ki? ¡Man nani kasak lukan lâka uya briras sma! Bamna witin buan, pâsa ra bara kabu ra sin lawi daukan; bamna baha nani sut lamni tara takan.

Mark 1:26

Pirit saura ba mita waitnika ra yan lasa prukan, bara karna pali ai bîla baikra wini, witin wina taki wan.

Mark 4:39

Bara Jisas bui pâsa ra lawi dauki, kabu ra sin win: —¡Sâp bas! ¡Mahka lamni taks! Bara pâsa ba sâp takan, witin nani sin âuyapah takan.

Mark 9:26

Bara piritka ba ai bîla baikra karna winan, tuktika ra kli yan lasa prukan, bara pruan baku swi si, taki wan. Ban upla nani lukan tuktika ba pruan sa.

Luk 11:22

Sakuna witin wal kau karnakira kum ba mita pura lubia kaka, baha aiklabaia dukia nani kasak kulki bri kata ba sut mihta dakbia, bara upla wala nani ra sin yabia.

Luk 4:23

Jisas baha nani ra win: —Kasak pali mai wisna, man nani naha maprika sturka na ai wima: ‘Daktar, man sikniskam ba wina raws.’ Bara sin ai wima: ‘Kapernaum ra daukram tânka yang nani walri ba, naha man pali tasbayam ra sin dauks.’

Luk 4:39

Jisas mairin ba purara wih aimakupi, rihka ra lawi daukan, bara rihka ba witin wina takan. Baha sim piua ra, mairin ba mahka bûi, witin nani dukia dauki kan.

Luk 4:41

Siknis uplika manis wina pirit saura nani sin takan, bara bîla baikra wini, naku aisi kan: —¡Man ba Gâd Luhpia sma! Sakuna Jisas mita pirit saura nani ra lawi daukan, yan sin aisaras kan, witin nani kaikan witin ba Misaya kan.

Luk 8:24

Bara witin nani wih Jisas ra tatukbi, naku win: —¡Smasmalkra! ¡Smasmalkra! ¡Yawan na rungwisa! Bara Jisas mita pâsa bara rip nani ba ra lawi daukan; bara sâp takan, lamni tara sin balan.

Luk 9:39

bara pirit kum mita alki muni, ai bîla baikra karna yan winisa, lasa sin yan prukisa, bara ai bîla wina ukata yan takisa. Saura pali munisa, swih taki wan sin daukras.

Luk 9:42

Tukta ba Jisas lamara aula kan ba ra, pirit saura ba mita tasba ra lulki saban, bara kli munan lasa prukan; sakuna Jisas pirit saura ba ra lawi daukan, tuktika sin rakan, bara ningkara kli aisika ra yan.

Param Marikanka 12:12

¡Bamna, kasbrika purara nani sma ba, liliam taki bas, man nani bahara iwisma ba! Sakuna tasba ra bara kabu ra iwi nani ba mapara lika alai pali kabia, kan dibil ba man nani ra iwan sa, ai kupia sin baikan sa, kan witin kaikisa kau piua wiria baman brisa bamna.”