Luk 3:8 - DAWAN BÎLA AISKA

⁸ Diara nani dauki mariks, saurkam nani wina kupiam lakram tânka ba, bara man nani pana pana sin aisapara: ‘¡Yawan lika Ebraham kiamka!’; kan yang pali mita mai wisna, Gâd sip sa naha walpaya nani na brih, baha ni Ebraham kiamka nani daukaia.

Luk 3:8 ပူးပေါင်းရင်းမြစ်များ

Nihimaya 5:11

Baku sin naiwa mamkabisna ai tasbaya nani ba, ai wainka nasla nani ba, ai batana dusa nani ba bara ai watla nani ba sin witin nani ra kli yama; baku sin ai traska nani ba sut swih tikma, lalah sapa, plawar sapa, wain sapa bara batana laya sapa, witin nani brin sa kaka.”

Isikiel 33:24

“Upla nani Israel tawanka nani slingban ba ra iwi nani ba, aisi taukisa: ‘Ebraham ba yakan kan ba ra, ban sakuna kuntrika aiska ba dawanka takan; yawan upla kau ailal banhwi na, kau wan raitka brisa kuntrika na dawanka nani takaia.’

Matiu 21:43

Baha mita, man nani ra mai wisna, Gâd king aimaki lâka ba man nani mihtam wina dakbi, upla nani king tasbaya mâ saki nani ra yaban kabia.

Matiu 3:8

Man nani daukankam ni mariks nahki saurkam nani wina kasak pali kupiam lakram ba,

Matiu 3:9

bamna pana pana aimayuni naku aisapara: ‘Yang nani na Ebraham kiamka’; kan yang bui man nani ra mai wisna: Gâd sip sa naha walpaya nani na wina Ebraham kiamka daukaia.

Luk 13:25

Utla dawanka ba dur ba prakbia ba ra, man nani latara banhwi kama ba, dur ra kingbi, wima: ‘Dawan, yang nani ra sin dur sâks.’ Sakuna witin mai wibia: ‘Man nani ba ani wina sma sapa yang mai kaikras.’

Luk 13:26

Bara man nani ban aisi, wima: ‘Yang nani sika man wal plun piri bara diara diri, bara man sin wan yabalka nani ra upla smalkram.’

Luk 14:9

man nani wâlsut mai paiwan uplika ba bal, mai wibia: ‘Naha wala na ra iwaika na yas iwbia.’ Bara man swiram pali taki, kulkanka kau mâyara ba iwaika ra wih iwma.

Luk 19:40

Sakuna Jisas pana win: —Yang mai wisni, naha nani ai bîla prakbia kaka, walpa nani ba ai bîla saki wini banhwi kabia.

Luk 19:9

Jisas bila: —Naiwa naha watla ra swaki sakan lâka ba balan sa, naha waitna na sin Ebraham kiamka sa bamna.

Luk 5:21

Baku bamna, Lâ Smasmalkra nani bara parisi nani sin mahka ai kupia wal aisi luki kan: “¿Naha na ya, Gâd mapara witin naku saura aisi na? Upla âpu sa wan saurka swih tikaia, Gâd baman lika.”

Jan 8:33

Baha nani pana win: —Yang nani na lika Ebraham kiamka, bara kau aima kumi sin yang nani upla albika takras; ¿bamna nahki man wisma, yang nani na pri lâka bri kamna?

Jan 8:39

Baha nani pana win: —¡Yang nani aisiki ba lika Ebraham! Jisas pana win: —Man nani ba kasak Ebraham luhpia nani katma kaka, dîa witin daukata ba, man nani dauki kaia kapram.

Apastil Nani Sturka 26:20

Bamna yang pas Damaskus ra sturi yamni ba smalkri, ningkara Jerusalem ra, Judia tasbaya aiska ra, bara Ju apia nani sut ra sin. Witin nani ra wîri ai saurka ba swi si Dawan ra tawbia, ai kupia lakan warkka tânka ba sin marikbia.

Roman 4:16

Baku bamna, pramis ba yan kasak lukan tâka ba mita, bara baku mika Ebraham kiamka nani ba mapa ra baha ba prisant kabia bara diara kasak pali aihwa sin kabia. Baha tânka ba lika, Gâd mita pramis munan ba lâ bîla wali dauki nani ba baman dukia apia sa, sakuna Ebraham baku kasak luki nani ba sut dukiara. Baku mika witin ba lika yawan sut wan aisika takisa.

Roman 9:7

Bamna Ebraham kiamka sut ba lika Gâd luhpia nani apia sa; kan Gâd mita Ebraham ra win: “Aisak bâk baman kiamkam nani brima.”

Pilipai 1:11

Bara Jisas Kraist mita rayakam wina daukanka yamni baman sâkbia, Gâd ra mayuni prana daukaia dukiara.