Luk 24:44 - DAWAN BÎLA AISKA

⁴⁴ Ningkara, witin bila: —Dîa yang ra takan ba tânka sika sut mai wîri, kau man nani wal katna ba ra: Baha ba sut aimakaia kan, yang dukira dîa Moses lâka ra ulban ba, prapit nani Ulbanka ra ba, bara Pura Sunra Lawana nani ra sin.

Luk 24:44 ပူးပေါင်းရင်းမြစ်များ

Blasi Sturka 14:18

Bara Melkisedek, Salem kingka, Gâd Laih Purara iwi ba prîska ba sin, witin brit bara wain wal Ebram ra balan ba ra,

Blasi Sturka 22:18

bara man kiamkam ra praki nisan wala nani sut tasba aiska ra bâra ba sin yamnika yan kabia, man bui yang bîli wali daukram ba mita.’

Blasi Sturka 3:15

Bara man mairin wal waihlam kaia daukamni. Man kiamkam ba mairin kiamka ba wal sin ai waihla kabia; witin bui man lamla ra insauhkbia, bara man pana witin ai mina plakura ra sami kama.

Blasi Sturka 49:10

Juda karnika bri ba, upla kumi sin baha karnika ba witin wina dakbia apia. Baha karnika dusa ai mihta ra ba sin, upla wala witin wina dakbia apia. Baha karnika dusa dawanka ba balbia kat, bara upla sut ba witin ai bîla wali daukbia.

Lawana Nani 118:22

Walpa utla mâmakra nani bui lulki swin ba, baha pali sika wihtka pali takan ba.

Aiseya 28:16

Baha mita, Dawan ba naku wisa: “Saion ra walpa kum mangkamni, walpa kum mana tara pali bâk saki briri ba, walpa pas, sut wihtka ba, baha purara mâki kaia walpaya ba, ya witin ra kasak luki ba ai âuyapah kaia sip kabia.

Aiseya 52:13

Bara kaiks yang warkki dadaukra warkka ba, pain man takbia, purara sin bukan kabia, bara laih purara mangkan kabia.

Aiseya 7:14

Bahamna Dawan witin bui, man nani ra sain kum mamrikbia: Kaiks tiara ba kwihra sa, bara ai luhpia waitna kum sâkbia, bara ai nina ba Imaniuel mâkan kabia.

Aiseya 9:6

Kan tukta waitna kumi wan dukiara aisubi takan, Dawan yawan ra luhpa waitna kum wankan sa, witin ra king kaia karnika yaban sa. Ai nina ba mâkan kabia: Aihka pranakira, Lâ Smasmalkra, Gâd karnakira, ban kaia Aisika, kupia kumi lâka Kingka.

Jirimaya 23:5

Dawan kasak aisisa: “Piua kum balbia bara baha yua yang daukamna witin pali ai kiamka bribia, king kum sins bri lâka ni kasakka lâka ba dauki, wapni lâka ba dauki king aimakbia naha kuntrika ra.

Jirimaya 33:14

Dawan kasak aisisa: “Yua ba balbia bara yang bui Israel bara Juda ra yamniki nani aisisna ba, yang daukamni.

Isikiel 17:22

‘Yang Dawan sna ba, naku wisni: Yalam dusa kum purara ba alkamna; slaunhka kau purara ba krikamna ba ra, yang pali il kau tara ba purara mangkamna,

Isikiel 34:23

Yabamna duki dadaukra Debit ba kli tawi balaia, bara sepad unhsak baku mangkamna, bara witin main kaikbia. Witin baha nani sepadka kabia.

Daniel 2:44

Baha kingka nani dauki yua nani ra kasbrika purara Gâdka ba king lâka kum bukbia bara ban kaia ra sauhki tikan kabia apia, nisan wala kumi mita sin pura lubia apia, ban sakuna, king lâka wala nani sut ra pura lubia, bâra ban kabia ban kaia ra.

Daniel 7:13

“Tihmia ra yang naha diara aihka na ban kaiki kapri, bara tisku kan: “Kaikri, kasbrika nani tilara upla kum aula kan, upla luhpia waitna talia kan. Witin lika Almuk bâra kan ba kat wan, bara yan witin ai lamara wan.

Oseas 3:5

Baha yua nani ningkara, Israel luhpia nani ba kli tawi bal, ai Dawan Gâdka ra plikbia, bara ai kingka Debit ra sin. Baha piua nani aimaki lui kabia ba ra, witin nani bui Dawan ra ai kupia krauki tara kulkbia, diara nani yabi ba dukiara sin.

Emus 9:11

“Debit tintka watla kauhan ba, kli bukaia yua ba aula. Tnaya kutbanka ra unta takan ba paskamni, slingwanka nani ba sin bukamna, witin raya kan piua ra kata ba baku kli paskamni.

Sakaraya 12:10

“Kupia yamni ai pura suni kaia spiritka wal, Debit kiamka nani ba Jerusalem ra iwi uplika nani ba banhkamni. Bara baha nani witin ra saban ba kat kaikbia, bara witin pura mata sari pali ini banhbia, luhpia waitna kumi baman kan, apia kaka tawahkia kan sarka ini ba baku.

Sakaraya 13:7

Dawan karnika sut bri ba, kasak aisisa: “¡Sord, bus, sepadki ba mapara hilp ai muni ba mapara sin! ¡Sepad ba iks, bara daknika ba yakabrira takbia, bara yang sin sîpki lupia nani ba mapara buamna!

Sakaraya 14:4

Baha yua ra Jerusalem lamara lalma tani ra, Oliv Dusa nani bâra ba ilka ra Dawan bubia. Bara ilka ba baiki langnika tara kum lalma wina muna kat daukbia. Ilka tnaya kum yahbra tani ra lakbia, tnaya wala ba waupasa tani ra.

Sakaraya 6:12

Witin ra wis: ‘Dawan, karnika sut bri ba kasak aisisa, baha waitna nina Urhwi Takaia mâkan ba, witin ai wakia wina pâwi taki, Dawan tempelka ba witin kli mâkbia.

Sakaraya 9:9

¡Liliam pali bas, Saion tawanka! ¡Âmyapah kira aiwans, Jerusalem tawanka! Kingkam man nani ra aula; kasakkira, pura lalura, sakuna bawikira, biriku kum ra uli aula, biriku kum, biriku luhpia ra uli aula.

Kulki Kaikanka 21:8

Bara Dawan bui witin ra win: —Bras ni piuta kum paskma baha piutka ba wal baku, bara dus kum tâura wilki purara pami swis. Ani uplika ra piuta sambia kaka, uplika ba baha dusa ra bras ni piuta paskan ba ra kaikbia bara prubia apia, rawi bûi kabia.

Kulki Kaikanka 35:25

Tawan uplika nani mita upla ikan ba wina dakbi sâkbia, bara upla ikan uplika ba, yaka kli yukuwi swak takaia tawanka ra yukuwaia sa. Bara upla ikan waitnika baha yukuwaia pliska ra kabia prîs tara ba prubia ba kat.

Matiu 1:22

Naha sut na takan, Dawan mita ai prapitka bâk aisin ba aiska daukaia dukiara:

Matiu 16:21

Baha piua wina Jisas ai disaipilka nani ra mahka smalkan, witin ba Jerusalem ra waia kabia, bara wihta almuk nani, prîs wihtka nani bara Lâ Smasmalkra nani sut mita munka kasak pât wauhbia. Bara sin win witin ra ikbia, sakuna yu yumhpa ra kli bukan kabia.

Matiu 26:54

Sakuna baku kaka, ¿Ulbanka ra baku takaia wi ba nahki aimakbia ki?

Matiu 26:56

Sakuna naha na naku takisa, prapit nani Ulbanka ra win ba aimakaia dukiara. Bara disaipil nani sut Jisas ba yakan swi si, plapan.

Mark 9:31

Witin ai disaipilka nani ra aisi smalki kan: —Upla Luhpia Waitna ba upla mihta ra mangkan kabia, bara witin ra ikbia, sakuna yu yumhpa ningkara, pruan wina kli bubia.

Luk 21:22

Baha piua ba lika pât wahwaia piua nani kabia, bamna Ulbanka nani dîa aisi ba sut aimakaia sa.

Luk 22:37

Kan man nani ra mai wisni Ulbanka nani naha aisi ba sut yang ra ban aimakaia sa: ‘Witin ba watawikira nani tilara kulkan sa.’ Bamna dîa dîa yang dukira ulban ba, aimakaia sa.

Luk 24:46

bara naku sin win: —Baku ulban sa, Misaya ba pruaia kan, bara yu yumhpa kat pruan nani wina kli buaia;

Luk 9:22

Bara sin wisata: —Upla Luhpia Waitna pât kasak wahwaia kabia, bara wihta almuk nani mita, prîs wihta nani bara Lâ Smasmalkra nani sin bahki kulkbia, ban sin ikbia, sakuna yu yumhpa ra pruan wina kli buan kabia.

Luk 9:44

—Man nani naha na pain wals, bara âmya sin tikpara: Upla Luhpia Waitna ba upla nani mihta ra ai mangkan kabia.

Jan 3:14

Bara baku sin, Moses upla iwras tasbaya ra piuta purara bukan kata baku, Upla Luhpia Waitna ba sin purara bukan kabia.

Jan 5:39

Man nani naha Ulbanka nani na, aman kaiki tânka laki kaikma kaka, baha ba wina raya ban kaia ba briaia lukma; ban sakuna, Ulbanka nani na sika, yang dukira aisisa,

Jan 5:46

Bamna man nani lika Moses dîa aisin ba ra kasak lukras kapram, yang ra sin kasak ai luki banhwaia apia kapram, kan Moses mita yang dukira ulban sa.

Apastil Nani Sturka 13:33

Baha nani kiamka banhwisna bamna, yang nani ra Gâd ai pramiska dîa aisin ba kat daukan, witin Jisas pruan wina bukan ba ra, Pura Sunra Lawana wauhkataya 2 ra ulban ba baku: ‘Man ba yang Luhpi waitna sma; naiwa raya kaia lâka ba maikri sa.’

Apastil Nani Sturka 13:40

Bamna aman kaiks, prapit nani dîa ulban ba sut man nani puramra kauhbiara. Witin nani naku aisin:

Apastil Nani Sturka 2:27

Man lika yang sulki ba pruan nani bâra ba pliska ra ban swima apia; dukiam dadaukra holikira ba wîna tara sin sukwi luaia adarka yama apia.

Apastil Nani Sturka 3:18

Kuna baku natka bâk baman Gâd sip kan, witin ai prapitka nani bâk Misaya ba pât wauhbia dukiara aisin ba, tnata alkaia.

Apastil Nani Sturka 7:37

Naha sim Moseska sika Israel luhpia nani ra naku wisata ba: ‘Gâd mita prapit kum mai blîkbia, man nani muihkam nani tila wina, sim yang ai blikan baku. Man nani bui witin bîla wali bas.’

Hibru Nani 10:1

Moses lâka ba lika, diara yamni nani naika balaia ba distika baman kan, ai lilka aihwa pali lika apia. Baku bamna, lâ ba ban kaia ra upla nani baha sakripaiska nani dauki bâk, Gâd lamara wi banhwi ba sip kasakkira nani daukras sa, baha sakripaiska nani mani bani dauki ba.

Hibru Nani 3:5

Baku bamna, Moses lika napakan kum baku Gâd watla aiska ra kasak kan; ai warkka ba lika, diara nani Gâd naika aisaia kan ba, witin sin aisaia kan.

Hibru Nani 7:1

Naha Melkisedek na, Salem kingka kan bara Gâd Laih Purara iwi ba prîska kan. Ebraham ba war aiklabi king nani iki tiki si kli tawi aula kan ba ra, Melkisedek taki wih witin wal prawi, yamni munan.

Hibru Nani 9:8

Naha dukia wina Spirit Holikira param pali smalkisa, tint watla kutbanka pas ba kau ban bûi kan sakuna, Dawan wal prawaia yabalka pali ba lika kau kwâkras kan.

1 Pita 1:11

Kraist Spiritka mita, patitara piua wina pât wahwaia kan ba prapit nani ra param mariki kan, bara baha ningkara prana balaia kan ba sin; bara witin nani baha uplika ba ya sapa pliki sakaia trai muni kan, bara baha Spiritka witin nani ra iwi kan ba mita piua mariki kan ba, ani sapa sin kaikaia pliki kan.

Param Marikanka 19:10

Yang insal ba mina kat kauhri, puri suni mayunaia wîri, sakuna witin mita ai win: “Man baku daukpara; kan yang na Gâd dukia dadaukra kum sna, sim man bara muihkam nani baku, Jisas sturka yamni kat kasak lukisma ba baku. Gâd ra puram suni mayuns.” Kan Gâd prapitka nani ba lika, Jisas sturka yamni witniska nani sika.