Luk 24:32 - DAWAN BÎLA AISKA

³² Bara witin nani pana pana aisan: —¿Kasak apia, wan kupia ba lapta taki kan sim pauta baku witin yabal ra wan aisi aula kan ba ra, Ulbanka nani tânka saki wan wi kan ba ra?

Luk 24:32 ပူးပေါင်းရင်းမြစ်များ

Lawana Nani 104:34

Dawan ba lukanki nani ba dukiara ai âuyapah takbia si, kan yang bui witin ra baman liliaki ba sakisni.

Lawana Nani 39:3

¡yang kupi ba, lapta taki kan pauta ai ami baku! Yang kupi ra luki katna bara kupi bilara pauta buki klauhan, bara yang bîli baikra tara aisari:

Sins Lâka 27:17

Silak ni silak mala daukisa, baku sin waitna, waitna ai tahkia mawanka aihwa daukisa.

Sins Lâka 27:9

Batana laya kîa yamni ba wal wan kupia lilia daukisa, baku sa wan uplika tawa muni wan smalki ba wan sulka lilia daukisa.

Aiseya 50:4

Dawan mita ai smalkan swapan nani ba yang mita maisa nihkaia, tasapaia bîla nani aisi. Titan bani lukanki ra ai munisa witin aisi ba pain wali kaia, swapni bani kira baku walaia dukiara.

Jirimaya 15:16

Man bui yang ra aisi kapram ba ra, aisinkam nani ba langki katna; baha nani sika yang liliaki âiyapah ai saki kan yang kupi ra, kan yang sika aiska man dukiam sna, Dawan bara Gâd karnika sut man brisma ba.

Jirimaya 20:9

Yang naku wimna: “Yang Dawan ra kau luki kamna apia, witin ai nina bri yang kli aisamna apia”, bara man aisinkam nani ba biaira bilara ai angkisa pauta klauhan baku, ai sauhkisa dusi nani kat. Bapi buaia trai munisna, sakuna sip apia.

Mark 4:34

Maprika lilka âpu ni Jisas diara kum sin smalkras kan, sakuna ai disaipilka nani ra sut tânka ba smalkan.

Luk 24:45

Bamna Ulbanka nani tânka ba yan brin,

Jan 6:63

Spirit ba sika raya kaia yabi ba; wan wîna tara ba lika bahki pali sa. Bara diara nani yang mai wîri ba lika kasak pali spirit tânka nani sa, bara raya kaia sin yabisa.

Apastil Nani Sturka 28:23

Bamna yu kumi mangki yan, bara baha yua ra upla ailal pali balan Pal takaski kan ba watla ra. Titan wina tutni kat baha nani ra aisin Gâd King aimaki Lâka ba dukiara. Bara Pal baku Jisas tânka aisi baha nani ba kupia lakaia muni kan, Moses lâka wina, bara prapit nani Ulbanka ba wina sin.

Hibru Nani 4:12

Kan Gâd bîla ba rayaka brisa, bara karnika sin brisa. Baha ba sika sord mala napa wâl bri ba sut purkara kau mala sa, bara wan sulka bara wan spiritka biara pali ba kat dimi wisa, wan lukutbaika bara wan dusa bîla kat sin. Baha bîla ba mita wan kupia lukanka nani ba bara dîa daukaia luki ba sut sin klir pali sakisa.