Luk 23:56 - DAWAN BÎLA AISKA

⁵⁶ Ai watla ra kli tawi balan ba ra, isint kîa pain nani bara batana nani sin ridi daukan. Ris briaia lâka ulban ba kat mairin nani ba baku daukan,

Luk 23:56 ပူးပေါင်းရင်းမြစ်များ

2 Kronikas 16:14

sakuna ai raitika ba Debit Tawanka ra witin mita pat paskan kan ba ra biki banhwan. Bamna witin nani bui witin ba krikri kum ra mangki, kîa pain daukaia dukia nani ailal sâtka bani brih, wîna ba sîka pain daukan. Ningkara pauta tara muki pura mata ini pain kulkan lâka ba yabi bri kan.

Impakan Sturka 31:14

Man nani lika sabat ba bâk saki bri kulkaia sma, bamna kulkanka yabaia sma. Ya baha yua ba kulkras kabia kaka, prubia. Baha purkara, ani uplika baha yua ra wark daukbia kaka, upla nani tila wina saki lulkan kabia.

Mark 16:1

Ris yua ba luan ba ra, Meri Magdalin, Meri Jems yaptika, Salomé kat, sîka mâka kîa pain atkan, Jisas wîna tara ba wih yukaia wisi.

Luk 24:1

bara wik yua pas, titan pali mairin nani ba raiti ra kli aidrubi balan, bara isint kîa pain nani witin nani ridi daukan kan ba sin brih auya kan.

Kli Smalkanka 5:14

Bara yu 7 yua ba lika ris yua, wark takaia apia yua ba, Dawan Gâdkam ra kulkanka yabaia ris yua ba. Baha yua ra wark sâtka kumi sin daukpara, luhpiam waitna, luhpiam mairin, albikam waitna, albikam mairin, bîpkam nani, birikukam nani, daiwram wala nani, upla wala tawankam ra takaski nani ba sin apia, albikam waitna, albikam mairin ba sin ris bribia.