Luk 23:34 - DAWAN BÎLA AISKA

³⁴ Witin nani dus prihni ra sabi kan ba ra, Jisas bila: —Aisa, naha pâtka na witin nani ra ban swih tiks, kan witin nani dîa dauki sapa ai tânka briras. Bamna suldiar nani Jisas kwalka ba yaura tawbia sapa kaikaia, lat lulkan.

Luk 23:34 ပူးပေါင်းရင်းမြစ်များ

Blasi Sturka 50:17

Yang nani bui man ra mai wimna: ‘Yang mamkabisni, pliskam, man muihkam nani man ra saura pali mai munan saurka ba ban kulkpara, pâtka ban swih tiks’, kan yang nani na man aisikam Gâdka albika nani sna bamna.” Blikan uplika nani ba witin nani bîla ba kau aisi kan ba ra, Josep lika ini kan.

Lawana Nani 22:18

witin nani bui yang kwailka nani ba ai tilara yui daukan, yang kwailka nani ba wal witin nani lat lulkan.

Aiseya 53:12

Baha mita Gâd bui witin ra pliska kum yabia upla tara nani tilara, karnikira nani ba aikuki tilara pura lubia, kan witin pruaia ai wîna ba yan, watawikira nani tilara kulkan kata, kan kasak pali sika upla manis upla saura ba witin twilkan upla saura nani tâwan ai pura sunan.

Matiu 11:25

Baha piua ra, Jisas naku win: “Aisa, kasbrika purara ba bara tasba Dawanka, yang tingki mai wisna, kan sinskira nani ra bara diara lan nani ra naha dukia nani na yukukram, sakuna tuktan nani ra latan marikram.

Matiu 11:26

Âu, Aisa, kan man baku want kapram.

Matiu 5:44

Sakuna, nanara yang mai wisna: Waihlam nani ra latwan kaiki bas bara rau mai sauhki nani dukiara sin puram suns.

Mark 15:24

Baha ningkara dus prihni ra saban. Suldiar nani ba mita Jisas kwalka ba yui briaia wisi, dais pulan, witin nani kumi bani dîa briaia sapa kaikaia.

Luk 22:42

Witin bila: “Aisa, man wilin sma kaka, pât wahwaia sna ba wina swaki ai sâks, sakuna yang kupi lâka kat lika kabiara, kuna man kupiam lâka kat mika.” [

Jan 17:9

“Witin nani dukiara man ra puri sunisni; naha tasba wina uplika nani ba dukiara lika puri sunras, sakuna man mita aikram nani ba dukiara lika, baha nani ba man dukiam sa bamna.

Jan 19:11

Bamna Jisas pana win: —Man lika yang purira karnika kumi sin âpu kaia kapram, Gâd mita maikras kata kaka. Sakuna ya mita man mihtam ra ai mangkan ba sika, saurka kau tara brisa man ba wal.

Apastil Nani Sturka 16:28

Sakuna Pal ai tâ baiki winan: —¡Man wînam ra watawi munpara, kan yang nani sut nâra sna!

Apastil Nani Sturka 3:17

“Muihki nani, nanara yang tânka ba brisna, man nani wihtkam nani aikuki Jisas ikram ba lika, tânka briras katma dîa dauki katma sapa.

Apastil Nani Sturka 7:60

Baha ningkara, witin ai lula kriki ai bîla baikra karna wini aisin: “¡Dawan, naha saurka na witin nani ra kulkpara!” Bara naha aisin ningkara, pruan.

Roman 12:14

Rau mai sauhki nani ra yamni muns; Gâd ra makas witin nani ra yamni munbia, kuna saura munbia dukiara lika apia.

1 Korint 2:8

Naha tasba wihtka nani wina kumi sin sinska lâka na tânka briras kata. Witin nani tânka na brin kan sa kaka, Dawan pranakira ba dus prihni ra sabaia apia kan.

1 Korint 4:12

bara yang nani mihti ni baman wark taki swapisna. Upla nani mita saura wan wisa, sakuna pana yang nani mita bîla yamni nani wisna. Rau wan sauhki banhwisa, sakuna ban bapi bûi wahwisna.

1 Timoti 1:13

Pas piua, witin mapara saura aisari, rausauhki kapri, bara saura sin muni kapri sakuna, witin mita ban yang ra naha sut ai daukan. Gâd mita umpira ai kaikan, kan baha piua yang na kau lalukra apia katna; bara dîa dauki kapri ba sin kaikras kapri.

1 Pita 3:9

Saura mai muni nani ba, pana saura munpara, bara saura pali mai wibia kaka sin, pana saura pali munpara. Baku daukaia watlika ra, kau yamni muni bas, kan Gâd bui man nani ba yamnika briaia mai paiwan sa.