Luk 23:27 - DAWAN BÎLA AISKA

²⁷ Upla ailal ai nina bliki kan, mairin nani sin ini, sarikira pali witin dukiara wini banhwi kata.

Luk 23:27 ပူးပေါင်းရင်းမြစ်များ

Lawana Nani 22:17

¡Yang dusi nani ba sut kulki kaikaia sip sa! Witin nani ai nakra lakras, yang kat mangki ai kaikisa;

Matiu 11:17

‘Yang nani bra puhbi maikri, kuna man nani lilia pulras; yang nani sari lawana aiwani maikri, sakuna man nani inras.’

Matiu 27:55

Mairin ailal bahara kan, bara baha nani laih wina kaikan kan; naha nani na Galili wina Jisas nina blikan kan, bara witin ra hilp sin muni kan.

Mark 15:40

Tila mairin nani sin bâra kan ba, laih wina bûi kaiki kata; witin nani tilara Meri Magdalin, Meri Jems sirpi Josep wal yaptika, bara Salomé sin.

Luk 23:28

Sakuna Jisas baha nani ra tawi kaiki, naku win: —Jerusalem mairka nani, yang puri mata inpara, sakuna man nani puram mata ins, bara luhpiam nani pura mata ini banhs.

Luk 23:55

Mairin nani Jisas wal Galili wina balan kan ba sin wan, raiti ba sin kaikan bara wîna tara sin nahki tnikan ba sut pain pali kaikata.

Luk 8:2

Mairin nani sin ai yula kahbi tauki kata, baha nani Jisas mita pirit saura nani wina, bara siknis nani wina rakan kan nani ba. Baha nani tilara kum auya kan ba lika Meri, nina Magdalin mâki kan ba, witinka wina pirit tâski 7 kangbi sakan ba;

Luk 8:52

Upla sut bâra kan ba pura mata ini yahwi kan. Sakuna Jisas bila: —Man nani inpara; tuktan mairin na pruras, witin yapisa.

Jan 16:20

Yang kasak pali mai wisni, man nani ini kama bara sari sin banhwi kama, sakuna naha tasba uplika nani ba lika lilia kabia. Ban sakuna, man nani sari kama kra, kuna sarkam ba lilia ra ni tawbia.