Luk 22:19 - DAWAN BÎLA AISKA

¹⁹ Baha ningkara, brit ba ai mihta ra brih, tingki wih, kriki, disaipil nani ra yabi, win: —Naha sika wîni tara, man nani sut dukiamra yan kabia ba. Naha na yang ra luki, dauki bas.

Luk 22:19 ပူးပေါင်းရင်းမြစ်များ

Lawana Nani 111:4

Man warkkam aihka daukram ba, sip wan âuya tiwras. Dawan ba ai warkka aihkakira nani daukan ba; sip wan âuya tiwaia apia daukan. Dawan ba kupia swapni upla ra umpira kaikisa.

Yamni Kulki Lawana 1:4

¡Isti pali, yang na man wal ai brih was! ¡Alai, kingki, man wamtla bîla kat ai bri was! Yawan wal bahara uba lilia kabia; wal wan taya tasapi pulanka ba kau daukbia, wain ba wal. ¡Baku bamna, mairin nani mita uba pali mai kaiki ba!

Isikiel 37:11

Bamna Dawan bui ai win: “Israel luhpia nani ba baha dusa pruan ailal ba baku sa. Aisi taukisa: ‘Wisa yawan wan dusa nani ba lâwan sa; bîla kaikanka kum sin âpu, yawan na tiwan sa.’

Isikiel 5:5

“Yang, Dawan ba, naku wisna: Jerusalem ra ba bâra sa. Yang mita sika nisan nani bara kuntri nani lilapas ra mangkri.

Daniel 2:38

ani anira upla nani iwi ba sut purara karnika ba maikan sa, daiwan nani bara tnawira nani ba sin, witin mita baha nani sut ba karnikam mununhtara mangkan sa, baha sika gul ni paskan ba, king tara, man.

Matiu 14:19

Bara adar yan uplika nani ba twi purara iwbia. Baha ningkara, brit matsip bara inska wâl ba ai mihta ra brih, kasbrika purara kaiki, Gâd ra tingki win, britka nani ba kriki, ai disaipilka nani ra yaban, bara witin nani bui upla nani ra yuan.

Matiu 15:36

Bara brit ba, inska nani ba sin brih, Gâd ra tingki yaban. Ningkara bâk kriki, disaipil nani ra yan upla nani ra yuaia. Witin nani baku daukan.

Luk 22:17

Baku bamna, Jisas ai mihta ra kâp kum brih, tingki wih, ningkara naku win: —Naha na brih, man nani tilamra yui bris;

Luk 22:20

Kâp ba wal sin baku daukan plun pin ningkara, bara naku wisata: —Naha kapka na sika lâ raya daukan ba yang tâilia mita, bara sut dukiamra laiwi ba.

Luk 24:30

Witin nani aikuki pat tibil ra iwi kan ba ra, witin ai mihta ra brit ba brih, yamni muni, kriki, witin nani ra yan.

Jan 6:23

Ban sakuna, Tiberias wina duri tara wala nani sin balan, Dawan ra tingki win ningkara, witin nani brit pin ba pliska lamara.

Jan 6:51

Bara yang pali na sika, baha rayaka britka kasbrika purara ba wina bal iwan ba; ya naha britka na pibia kaka, ban kaia ra raya kabia. Baha britka yang mita yabamna ba lika, yang pali wîni tara ba sika. Yang baha yabamna, upla nani sut raya kabia ba dukiara.

1 Korint 10:16

Yamni munan kapka wina yawan di ba ra Gâd ra tingki wisa, yawan Kraist aikuki kumi takisa witin ai tâlia ra; yawan brit kriki ba pi ba ra, yawan Kraist aikuki kumi takisa ai wîna ra.

1 Korint 10:4

bara sut spiritka laya ba dih banhwan. Kan baha nani ba wan spiritka walpaya, witin nani wal impaki kan ba wina laya dingkan. Bara baha walpaya ba lika Kraist kan.

Galesha 1:4

Kraist sika yawan wan saurka dukiara ai wîna tara aiska ba prura mihta ra mangkan, Gâd Aisa kupia lâka ba kat, naha tasba saura na wina pri wan sakaia.

Galesha 4:25

Bamna Agar tânka ba wan marikisa, Sainai ilka Arabia ra bâra ba dukiara, bara naha wan marikisa naiwa yua Jerusalemka ba dukiara; bara naha tawanka lika ai luhpia nani aikuki alba nani takan sa.

Epesus 5:2

Latwan lâka ra iwi bas, sim Kraist latwan wan kaiki, yawan tâwan ai rayaka pât mihta ra mangkan ba baku. Witin ba sin sîp baku sakripais daukan kata, bara Gâd ra kîa painkira kum baku angki yan.

1 Tesalonaika 5:18

Diara sut dukiara Gâd ra tingki wi bas, kan naha sika Gâd mita man nani wina want ba, Kraist Jisas ra kasak lukisma bamna.

Taitus 2:14

Witin ai wîna tara ba yawan tâwan prura mihta ra mangkan, saurka sut swaki sakan, yawan na aiska pali klin wan dauki, witin ai dukia kabia wisi. Bara wark yamni nani sin kasak pali dauki kabia dukiara klin wan daukan.

1 Pita 2:24

Kraist mita ai wîna tara ra wan saurka nani twilkan dus prihni purara, bara baku yawan sip kabia wan saurka nani mapara pruaia bara kasakka lâka ra iwi kaia. Witin ai wîna ra insauhkan ba mita, man nani sut mai rakan sa.