Luk 21:34 - DAWAN BÎLA AISKA

³⁴ “Bamna aman kaiki bas, tasba brinka nani ba mita, bla lâka nani mita bara naha tasba trabilka nani mita sin yarka kupiam nani ba karna takbiara, baha piua kra damra walras kaprika mai alkbiara sîa.

Luk 21:34 ပူးပေါင်းရင်းမြစ်များ

Blasi Sturka 19:32

Bamna kaisa yawan wan aisa yaka bla takaia, bara yawan lika witin wal yapaia, bara baku yawan bui witin ai luhpia baikaia.

Blasi Sturka 19:35

Bara witin nani baha tihmia sin kli ai aisika ra wain dakakan, bara muihnika ningka ba witin wal yapan; sakuna Lot ai tânka briras kan, ahkia ai luhpia mairin witin wal yapan ba bara ahkia sin kli buan ba.

Blasi Sturka 27:14

Bara Jekob witin wan, bara gutska lupia nani ba bri balan. Bara yaptika baha wîna ba pilala auhni pali daukan, Aisak pin dauki kan ba baku.

Lawana Nani 35:8

¡Sauhkaia pâtka witin nani ai dahra walras kaka, bal prak alkbia! ¡Mina alkaia nani paskan ba, ai mina nani kli bahara alkbia! ¡Sauhki tikaia pâtka kat, witin nani kli bahara kauhbia!

Sins Lâka 21:4

Ai nakra ni praut kaiki ba ai kupia lukra tara sa luki ba, upla watawikira ingnika ba sut, saurka lâka sika.

Sins Lâka 23:20

Wain dadira nani tilara aikuki kapara, upan papira gridikira nani tilara sin apia.

Smasmalkra 9:12

Tani wala ra, upla kumi sin ai dahra walras, ahkia pali ba ai piua kabia; baku sin inska nani ba ilis ra aimaki sip takras, bara piawira nani ba sin ai dara walras daiwan alkaika ra diman sip takras ba, baku sin upla ba bîla kaikras kan pat pât ra dimisa.

Aiseya 28:7

Baha nani wain di pirwi tauki ba, wain karna piawi kisni taki ba di pirwi ai ninara wapi ba: prîs nani, prapit nani sin dih baku dauki ba; witin nani sut bla taki sinskas taki ba; wain karna di ai mina ra wapi ba, diara aihka kaikan ra sin pirwi kan bara bla sa, lâ daukan piua ra.

Oseas 4:11

“Rug lâka bara wain ba, lâ wapni daukaia lukanka ba tikisa.

Libait Lâka 10:9

“Man, apia kaka luhpiam nani, Dawan wal aisaia tintka watla ra dimbia ba ra damra walma, kli wain dih dimbia apia. Wain bara bahmuna sâtka wala sut sin dima apia, pruma ra sîa. Naha lâka baku kulki ban kabia, bara aisa nani ai luhpia nani sut ra wibia naha lâka na.

Matiu 13:22

Kiaya nani tilara saumuk mangkan ba lika, sturi yamni ba walan, sakuna naha tasbaya dukia nani ra lukan man, bara yuyaka nani mita kunin munisa. Naha sut mita sturi yamni ba blaki ikisa, bara naha uplika nani ra sip yan mâ sakras.

Mark 13:9

“Sakuna man nani aman kaiks. Witin nani wihta nani mihta ra mai mangkbia, bara Ju nani priaska watla nani ra mai wipan kabia. Man nani lika yang tâiwan wihta nani, king nani mawanra sin mai brih wabia, bara yang witniski baha nani mawanra sin aisama.

Mark 4:19

sakuna naha tasba dukia nani ra lukan man, tasba yuyaka bahki mita kunin sin munisa, bara diara sât sât nani ba brin dauki, nina blikisa. Naha sut ai kupia ra dimi, sturi yamni ba blaki ikisa, bara naha nani sip yan mâ briras.

Luk 10:41

Sakuna Jisas pana win: —Marta, Marta, man diara uya daukaia dukiara baman lukisma, kupiam sin turban pali sa.

Luk 12:40

Man nani sin ridi bas, kan lukras kaprika piua ra Upla Luhpia Waitna ba balbia.”

Luk 17:3

¡Man nani aman kaiki bas! “Muihkam saura daukbia kaka, lawi dauks; witin ai saurka wina ai kupia lakbia kaka, saurka swih tiks.

Luk 21:35

Mina alkaia kumi ai bîla prakuya ba baku kabia, naha tasba ra iwi uplika sut ra.

Luk 21:8

Jisas bila: “Aman kaiki bas, yarka sin kunin mai munbiara. Upla ailal yang nini bri balbia, bara ban naku wibia: ‘Yang sika Kraist’; bara ‘Nanara sika piua ba.’ Sakuna nina blîkpara.

Luk 8:14

Saumuk mâ nani kiaya nani tilara kauhan ba lika bîla smalkan ba waluya uplika nani, kuna ban ai yabalka nina bliki auya, bara yan taibuya kupia trabilka nani mita, bara lalah nani, bara tasba liliaka nani mita sin yan blakuya, bara baha mita mâ kumi sin sakras.

1 Korint 5:11

Yang wiaia lukri tânka ba lika naha: upla kum wan muihni wisa, sakuna tâski lâka daukisa, gridikira sa, aidul nani ra ai pura suni mayunisa, upla dusa kakuhbra sa, rum dadira sa, âimplikra kaka sin, witin wal taukpara. Bahmuna uplika wal iwi plun sin piaia apia sma.

Galesha 5:20

aidul nani ra mayunaia, sukia warkka daukaia. Upla ra misbara kaikaia, tar baiwan lâka, bara nina tâwan lawaia nani. Diara bahki dukiara wan kupia baikaia, bara wan kupia lâka baman pliki daukaia, dakwi takaia lâka, bara dakni sât sât paskaia sin.

Kli Smalkanka 29:19

“Bara naha swer taki aisin bîla na walan ba ningkara, man nani tilamra lukisa witin ba uba yamni sa, bara lukbia: ‘Diara sut yang ra pain takbia, yang dîa brin ai dauki ba kat luki daukamna ba.’ Bara diara saura taki aisawbia ba, baha uplika ba tâka kabia.

Pilipai 4:6

Man nani diara kumi dukiara sin sari takpara, sakuna dîa dîa luha sma ba sut, Gâd ra puram sunra nani ra wis, makabi bas bara tingki sin wis.

Hibru Nani 12:15

Man nani damra wali bas, upla kumi sin Gâd yamnika lâka ba wina ai ninara tawbiara sîa. Damra wali bas, man nani wina kumi sin dus tahpla kum pâwi ai puisinka ni upla ailal ra trabil muni ba baku kabiara.

2 Pita 3:10

Sakuna Dawan yua lika balbia, bîla kaikras ba piua ra, sim âimplikra tihmia ra aula ba baku. Bamna bin tara ni kasbrika purara nani sut âpu daukan kabia, bara dîa dîa bilara ba pauta mita âpu daukbia, bara tasba na sin dîa dîa bilara ba sut aikuki, Gâd lâ tara daukbia ba ra kahban kabia.

2 Pita 3:14

Baha mita, muihki laitwankira nani, naha diara nani bîla kaikisma ba ra, dîa sip sma ba kat trai kaiki bas; bara Gâd bui man nani mai kaikbia ba ra, kupia kumi, tâski âpu bara pâtkas nani kama.

Param Marikanka 3:3

Kupiam krauki bas smalkanka briram ba, bara baha nina blîks bara kli tawi Gâd ra bal. Man raya apia kama kaka, âimplikra baku man ra wamna, bîli kaikras kama ba ra.

1 Samuil 25:36

Abigail ba Nabal ra tawi wan ba ra, kaikan witin king kum baku ai watla ra pata tara dauki pi, lilia dauki kan, ai âuyapah, bla pali kan. Baha mita sip diara wiras kan, yu wala kat.