Luk 20:5 - DAWAN BÎLA AISKA

⁵ Witin nani ai mânka pana pana tawi aisi, win: “¿Dîa yawan wibia ki? Gâd wina blikan wibia kaka, witin wan wibia: ‘¿Dîa kan man nani bui witin ra kasak lukras kapram?’

Luk 20:5 ပူးပေါင်းရင်းမြစ်များ

Matiu 16:7

Bamna disaipil nani ba ai mânka pana pana aisi kaiki kan: —Witin baha wisa yawan brit bri balras kan ba mita.

Matiu 21:25

¿Ya mita Jan ra upla tahbi daukaia blikan? ¿Gâd, apia kaka, upla nani mita? Sakuna witin nani mahka pana pana blahwi, aisan: “Yawan na Gâd blikan wibia kaka, witin wan wibia: ‘¿Bara dîa kan man nani bui witin ra kasak lukras kapram?’

Luk 20:4

¿Ya mita Jan ba blikan upla tahbi daukaia, Gâd mita, apia kaka, upla nani mita?

Luk 20:6

Bara upla nani wina yawan wibia kaka, upla sut mita walpa ni sabi wan ikbia, kan witin nani kasak lukisa, Jan dîa aisi kan ba lika Gâd wina kata.”

Jan 1:30

Yang bui witin na dukiara sika aisi, naku wisatna ba: ‘Yang ninira upla kum aula ba sika, yang wal kau tara sa, kan witin lika yang âpu kapri wina ban bâra sa.’

Jan 1:34

Pat yang mita kaikri, bara baha witniska sin aimakisna: witin sika Gâd Luhpia ba.”

Jan 3:26

Bamna baha nani Jan ra wih maisa pakan: —Smasmalkra, kaiks baha uplika man wal kata ba, Jordan lalmika ra, witinka dukiara man wan wisatma ba, nanara upla tahbi daukisa bara manis sin ai nina blikisa.

Jan 3:36

Ya Gâd Luhpia ra kasak luki ba, raya ban kaia lâka ba brisa; sakuna ya Gâd Luhpia ra kasak lukaia apia wi ba, sip baha rayaka ba bribia apia, sakuna Gâd klalka saura pali ba bribia.

Apastil Nani Sturka 13:25

Jan Tatahbra ai warkka tnata ba alkaia baila kan ba ra, naku aisin: ‘¿Man nani, yang na ya sna luki banhwisma ki? Yang lika baha man nani bîla kaikisma ba apia sna. Kuna yang ninira wala kum aula, witin mina ra sûska awa pan yang sip lanhkras sna.’