Luk 20:24 - DAWAN BÎLA AISKA

²⁴ —Ai mariks lalah mâ kum. ¿Naha mawan na bara nina sin ulban na, ya dukia? Witin nani pana win: —Sisar dukia.

Luk 20:24 ပူးပေါင်းရင်းမြစ်များ

Matiu 18:28

“Sakuna wark uplika ba baha wina takan wal baku, ai pana wala kum wal prawan, baha ba ai tahkia kan; baha mita witin ra lalah wiria baman tras kan. Witin mita nana ra alki, mahka patka baiki, win: ‘¡Traski ba aibaps!’

Matiu 20:2

Wark tatakra nani ba aikuki aisi daukan yu kum ra nahki aibapaia ba yabaia, bara baha nani ai nasla ra wark takaia blikan wan.

Matiu 22:20

Baha kaiki, Jisas witin nani ra makabi walan: —¿Lilka na bara nina ulban na sin, ya dukia sa ki?

Mark 12:16

Witin nani sal yaban, bara Jisas baha ra kaiki, witin nani ra makabi walan: —¿Naha mawan lilka na, ya dukia, bara nahara nina ulban na ya nina sa? Witin nani pana win: —Rom wihtka dukia sa.

Luk 2:1

Baha piua nani ra king tara Augusto mita adar kum blikan, tasba aiska ra upla nani iwi ba sut ai nina mangkan kaia sa.

Luk 20:22

Bamna wan wis, ¿Rom kingka ra wan lal mana aibapaia ba aitani sa, apia kaka aitani apia sa ki?

Luk 20:23

Sakuna Jisas witin nani lukanka saura ba tânka brin, bamna pana naku win:

Luk 20:25

Jisas pana win: —Bamna Sisar ra yas diara nani Sisar dukia ba, bara Gâd ra yas diara nani Gâd dukia ba.

Luk 23:2

Bahara witin nani mahka Jisas dahra saki, naku wisata: —Yang nani naha waitnika na saki banhri wan uplika nani kupia warbi muni kan. Witin bila, Rom kingka Sisar ra lal mana aibapi banhwamna apia, bara sin wisa witin ba Misaya, wibia kaka, king kum sa.

Luk 3:1

Tiberio Rom ra pat mani 15 king tara aimaki kan, Judia ra Pontius Pailat wihta tara aimaki kan, Herod lika Galili ra, ai muihnika Pilip lika Iturea bara Traconítide kuntrika ra, bara Lisanias lika Abilene ra.

Apastil Nani Sturka 11:28

Witin nani tila wina kumi nina Agabo, witin lika wan muihni nani lilapas kat buan, bara Spirit Holikira mita yan aisin, nahki plun tiwan tara kum tasba aiska purara balbia. Baha ba kasak pali takan Claudio wihta tara aimaki kan piua ra.

Apastil Nani Sturka 26:32

Bara Agripa Festo ra win: —Sip kan naha waitnika lanhkaia, witin ba king tara mita ai lâka daukaia makabras kan kaka.

Pilipai 4:22

Nahara Gâd uplika nani na sut lakula blikisa, bara kau pali Rom wihtka watla uplika nani.