Luk 20:22 - DAWAN BÎLA AISKA

²² Bamna wan wis, ¿Rom kingka ra wan lal mana aibapaia ba aitani sa, apia kaka aitani apia sa ki?

Luk 20:22 ပူးပေါင်းရင်းမြစ်များ

Esdras 4:13

Nanara naha na, king tara, param sa uplika nani na naha tawanka tara na swika kli paskbia kaka, baku sin walpa kutbanka nani bukbia kaka, naha uplika nani na diara nani lal mana kulki ba aibapbia apia; bara baha tâka mita, king lalahka ba sin mâya pali kat iwbia, lalah briaia ba praiska kat sip bribia apia.

Esdras 9:7

Wan aisika nani yua ba wina naiwa kat, yang nani saurka lâka ra iwi banhwisna. Yang nani saurki nani tâka mita, kingki bara prîski nani sut aikuki tasba wala nani kingka nani mihta ra ai mangkram. Naiwa yua kat ban wan ikisa, alba wan brisa, wan dukia nani implikisa, yang nani swira lâka tara wal ban iwi banhwisna.

Nihimaya 5:4

bara tila wala nani sin aisi kan witin nani sin lalah lin taki bri banhwan ai tasbaya bara ai wainka nasla nani lal ra king ra lal mana aibapaia dukiara. Baha purkara sin witin nani aisin:

Nihimaya 9:37

Tasba wina plun mâ ailal pali saki ba, baha kingka nani man mita yang nani purira mangkram ba baman brisa, yang nani saura daukisna ba tâwan; baku sin yang nani bara daiwri nani ba dawanka aimakisa, bara ai kupia lâka dîa daukaia ba kat daukisa. Baha mita, yang nani uba kupi kriwan pali sna.”

Matiu 17:25

Pita bila: —Âu. Bara Pita utla ra diman piua ra, Jisas pas witin ra aisi muni, win: —¿Nahki lukisma, Saiman? ¿Naha tasba kingka nani na ani sât uplika nani wina lal mana nani sakisa? ¿Ai uplika nani wina, apia kaka tringsar nani wina?

Luk 20:21

Baha mita witin nani naha makabi walanka na makabi wali banhwan: —Smasmalkra, yang nani kaikisna man dîa aisi smalkisma ba kasak sa, bara man upla mawan ba sin kulkras sma, sakuna diara kasak ba bara Gâd yabalka tânka ba kat smalkisma.

Luk 20:23

Sakuna Jisas witin nani lukanka saura ba tânka brin, bamna pana naku win:

Luk 23:2

Bahara witin nani mahka Jisas dahra saki, naku wisata: —Yang nani naha waitnika na saki banhri wan uplika nani kupia warbi muni kan. Witin bila, Rom kingka Sisar ra lal mana aibapi banhwamna apia, bara sin wisa witin ba Misaya, wibia kaka, king kum sa.

Apastil Nani Sturka 5:37

Baha ningkara, nina mangkaia yua nani ra, Judas Galili wina kata ba buan, bara upla ailal sin ai nina blikan, ban sakuna witin ba ikan ningkara, ai nina bliki kan nani ba sut aihka aihka plapan.

Roman 13:7

Ya bani ra yabaia sma ba uplika ra yas. Dîa lal mana nani aibapaia brisma ba, mahka aibaps; dîa dîa lal mana kaka, yaura pain kulkaia kaka pain kulks, kulkanka bri ba kulkanka ba yas.

Kli Smalkanka 17:15

Dawan Gâdkam mita man nani uplikam wina pliki sâkbia bara man nani nisankam kingka brima. Tringsar kum man uplikam apia sa kaka, king baku bripara.