Luk 2:51 - DAWAN BÎLA AISKA

⁵¹ Bara witin nani aikuki Nasaret ra wan, piua bani sin witin nani bîla wali dauki kata. Ai yaptika lika diara nani sut ba ai kupia ra mangki bri kan.

Luk 2:51 ပူးပေါင်းရင်းမြစ်များ

Blasi Sturka 37:11

Bara ai muihni nani lika witin ra tumi kan, sakuna ai aisika lika, baha tânka kaiki aisin ba dukiara uya luki kaiki kan.

Lawana Nani 119:11

Man bîlam aisinka nani ba kupi ra mangki briri, yang bui man mampara saura daukaia apia ba mata.

Daniel 7:28

“Naha kat bîla nani ba prakisa. Bara yang Daniel kupi uya pali turban kata, ban sin maiwan ba pihni pali takri kata, sakuna naha diara kaikri ba dukiara upla kumi ra sin wiras kupi ra ban bri katna.”

Matiu 12:46

Jisas kau upla nani ra aisi kan ba ra, ai yaptika bara ai muihnika nani balan. Witin nani latara takaskan, bara witin wal aisaia wan.

Matiu 3:15

Sakuna Jisas bila: —Nanara lika baku ban swis; kan dîa Gâd wi ba kat yawan daukaia sa. Baku lika Jan aitani lukan.

Mark 1:9

Baha yua nani ra, Nasaret tawanka wina Jisas taki wan, baha ba Galili kuntrika ra sa. Bara Jan mita Jordan awala ra tahbi sakan.

Mark 6:3

Kan naha lika kiamda ba sika, Meri luhpia, bara Jems, Josep, Juda, bara Saiman muihnika, bara ai lakra nani sin wan tilara takaskisa. Bara witin ra saura lukan.

Luk 18:37

Upla nani mita win, Jisas Nasaret wina ba bahak lui auya sa.

Luk 2:19

Sakuna Meri lika naha diara nani sut na ai kupia ra brih, aihka luki kan.

Luk 2:39

Dawan lâka ra dîa mangkan ba sut dauki tnata alkan ba ra, witin nani ai tawanka pali Nasaret ra balan, baha ba Galili tawanka ra sa.

Luk 4:16

Jisas Nasaret ra wan; baha tawanka ra sika witin pâwan ba. Ris yua ra ai natka kan ba baku, Ju nani priaska watla ra wih diman, bara ai mina ra buan Ulbanka nani wina aisi kaikaia.

Luk 4:23

Jisas baha nani ra win: —Kasak pali mai wisna, man nani naha maprika sturka na ai wima: ‘Daktar, man sikniskam ba wina raws.’ Bara sin ai wima: ‘Kapernaum ra daukram tânka yang nani walri ba, naha man pali tasbayam ra sin dauks.’

Epesus 5:21

Kraist ra kulki lâka ra, man nani pana pana walkam ra bawi bas.

1 Pita 2:21

Bamna Gâd bui man nani naha dukiara mai paiwan sa; kan Kraist lika man nani dukiamra pât wahwan, bara witin daukan baku daukma wisi ai lâka ba sin maikan, ai mina wapanka nani nina blîkma dukiara.