Luk 2:46 - DAWAN BÎLA AISKA

⁴⁶ Yu yumhpa ningkara, witin nani bui Jisas ba sakan tempel ra, Lâ Smasmalkra nani tilara iwi, bara witin nani dîa dîa smalki kan ba wali, pana sin diara makabi wali kan.

Luk 2:46 ပူးပေါင်းရင်းမြစ်များ

1 King Nani 12:12

Yu yumhpa alkan ba ra, Jeroboam upla nani sut wal Roboam ra aidrubi balan, king piua win ba kat, witin nani yu yumhpa kat witin ra kli aidrubi balbia.

1 King Nani 12:5

Bara Roboam pana win: —Man nani was, bara yu yumhpa lubia ba ra, kli aidrubi bal. Bara upla nani ba mahka wan.

Aiseya 50:4

Dawan mita ai smalkan swapan nani ba yang mita maisa nihkaia, tasapaia bîla nani aisi. Titan bani lukanki ra ai munisa witin aisi ba pain wali kaia, swapni bani kira baku walaia dukiara.

Matiu 12:40

Inska tara biara ra Jona yu yumhpa bara tihmia yumhpa kan ba baku, Upla Luhpia Waitna ba sin yu yumhpa bara tihmia yumhpa tasba biara ra kabia.

Matiu 16:21

Baha piua wina Jisas ai disaipilka nani ra mahka smalkan, witin ba Jerusalem ra waia kabia, bara wihta almuk nani, prîs wihtka nani bara Lâ Smasmalkra nani sut mita munka kasak pât wauhbia. Bara sin win witin ra ikbia, sakuna yu yumhpa ra kli bukan kabia.

Luk 2:47

Baha nani Jisas ra wali kan ba sut tâ iwan kan, ai sinska tara ba dukiara, pana dîa witin nani mita makabi wali kan tânka param wi ba dukiara sin.

Luk 5:17

Yu kumi Jisas bui upla smalki kan. Bahara iwi kan parisi nani bara Lâ Smasmalkra nani ba sin; witin nani Galili tawanka sirpi bani wina, Judia wina bara Jerusalem wina sin balan kan. Baha sim piua ra, Gâd karnika ba mariki kan Jisas mita, upla siknis nani ba raki.

Jan 3:10

Jisas pana win: —Man ba sika, Israel smasmalkra tara kum sma, ¿bara naha diara nani na tânka sip briras sma ki?

Apastil Nani Sturka 5:34

Kuna witin nani ai tilara parisi waitna kum kan, nina Gamaliel. Witin Lâ Smasmalkra tara kata, upla nani mita sin pain kulkan kata. Witin ai mina ra bûi win apastil nani ba wiria latara sâkbia.

1 Timoti 1:7

Witin nani ba Gâd lâka smasmalkrika takan daukisa, sakuna ai bîla nani aisi ba, bara lukanka tara smalki nani ba sin sip tânka briras.