Luk 2:40 - DAWAN BÎLA AISKA

⁴⁰ Tukta ba pâwi kan, bamna kau karna bara kau sinskira sin taki kan, Gâd sin yamni pali muni kata.

Luk 2:40 ပူးပေါင်းရင်းမြစ်များ

Lawana Nani 22:9

Baku sa: man sika yang yaptiki biara wina aisubi takaia ai daukram; yang kainira diara bîla kaikaia sin ai daukram, kau yapti tialka aubi kapri ba ra.

Lawana Nani 45:2

Man waitna kau painkira sma, waitna wala nani ba wal. ¡Man unam aisisma ba, wan kupia aihka sakisa! Baha mita Dawan bui man ra yamni mai munbia ban kaia ra.

Luk 1:80

Baku kan ba ra, tukta ba pâwi karna sin taki kan, ai wîna tara mapa ra, ai spiritka mapa ra sin. Witin lika upla iwras tasbaya ra takaski kan, Israel luhpia nani ra param takan piua ba kat.

Luk 2:47

Baha nani Jisas ra wali kan ba sut tâ iwan kan, ai sinska tara ba dukiara, pana dîa witin nani mita makabi wali kan tânka param wi ba dukiara sin.

Luk 2:52

Bara ban Jisas lika ai wîna tara mapa ra bara ai sinska mapa ra sin pâwi kan, bamna Gâd mita bara upla nani sut mita sin yamni kaiki kata.

Jan 1:14

Baha Bîla ba upla takan, bara yang nani tilira iwan. Bamna yang nani ai prana ba kaikri, baha prana Aisa Luhpia kumi baku Gâd wina brin ba.

Apastil Nani Sturka 4:33

Apastil nani lika karnika uya wal Dawan Jisas raiti wina buan ba dukiara witnis aisi kan, bara Gâd mita sin uya pali yamni munan kata.

Epesus 6:10

Bara nanara, muihki nani, karna bas Dawan asla lâka ra, witinka karnika tara pali bri ba wal.

2 Timoti 2:1

Bara man, luhpi, yawan na Kraist Jisas wal asla ba mita yamnika bri ba wina karnika bris.

Wihta Nani 13:24

Ai piua nani balan ba ra mairin ba ai luhpia waitna kum brin, bara nina ba Samson mâkan. Tuktan ba pâwi kan, Dawan sin witin ra yamni munan.

1 Samuil 2:18

Sakuna wahma Samuil ba prîs prâka pîska linin ni daukan ba dimi, ai kaina kat Dawan dukia dauki kan.

1 Samuil 2:21

bara Dawan bui Ana ra yamni munan, witin kwihra tiwan, ai luhpia waitna yumhpa bara ai luhpia mairin wâl brin, bara Samuil lika ban Dawan lâka ra pâwi kan.

1 Samuil 2:26

Wahma Samuil ba lika ban pâwi kan, bamna upla nani bara Dawan bui sin yamni kaikan.

1 Samuil 3:19

Samuil pâwan, Dawan lika witin wal kan, tâ baikan ai pramiska nani sut ba daukaia.