Luk 2:37 - DAWAN BÎLA AISKA

³⁷ bara nanara piarka ba mani 84 bri kata. Witin sin tempel wina uya takras, ban bahara Dawan dukia dauki kan, kakna bara tihmia Gâd ra luki plun piras kira ai pura suni.

Luk 2:37 ပူးပေါင်းရင်းမြစ်များ

Lawana Nani 22:2

Yang Gâdki, yang kakna ra, tihmia ra mai winisna, sakuna man pana aisaras sma; ¡yang sip ris briras sna!

Lawana Nani 23:6

Man yamnikam bara latwan ai kaikisma lâka ba, yui nani sut yang wal ban sa; bamna Dawan, wamtla ba waitla ban kabia.

Lawana Nani 27:4

Diara kumi yang bui Dawan ra makabisni, yang diara kumi baman plikisni, rayaki yua nani sut ra ai tempelka ra wih mayunaia, bara ai yamnika prana ba kaikaia.

Lawana Nani 84:10

¡Kanra yamni sa, yu kum bâra kaia, man wamtla kutbanka ba ra; yu tausin latara kaia ba wal! Brin ai daukisa Gâdki tempelka ra aihwaki kaia, watawikira nani pliska ra bâra kaia ba wal.

Lawana Nani 84:4

¡Lilia pali sa baha nani man wamtla ra iwi ba, bara takaskras man ninam mayuni ba!

Lawana Nani 92:13

Baha nani Dawan tempelka ra mangkan kabia; tempel bilara kutbanka painkira ra, Gâd bui yan pâwi ba baku.

Impakan Sturka 38:8

Bisin ba bras ni daukan, mina buaika ba sin bras ni daukan, mairin nani ai mawan kaikaika glaska ba sin, tint watla ra dimaia durka pali ba kat swin.

Luk 5:33

Baku bamna, witin nani bui Jisas ra makabi walan: —¿Dîa kan, Jan nina blablikra nani bara parisi nina blablikra nani sin, aima ailal plun piras ai pura suni banhwisa, sakuna man disaipilkam nani lika piu bani plun pîsa, bara sin dîsa?

Apastil Nani Sturka 13:3

Bamna Gâd ra luki plun piras kira ai pura sunan ba ningkara, ai mihta nani witin nani purara kahbi, mahka blikan wan.

Apastil Nani Sturka 14:23

Bamna serts nani bani ra tâ uplika nani mangkan. Baha ningkara, Gâd ra luki plun piras kira ai pura suni, baha ba Dawan mihta ra mangkan, witin nani sut witinka ra kasak luki kan ba.

Apastil Nani Sturka 26:7

Israel kiamka 12 ba sut bîla kaikisa naha pramiska na aimakbia, baha mita Gâd ra mayuni, dukia sin daukisa, kakna bara tihmia. Bamna king Agripa, naha sim bîla kaikanka brisna dukiara sika Ju nani daihra kwahki banhwi na.

1 Timoti 5:5

Ani mairka kasak pali piarka ba, upla kumi mita sin main kaikaia âpu ba, witin lika ai kainara diara briaia ba, Gâd ra luki, bara witin ra ai hilpka yabia dukiara ban kakna bara tihmia ra ai pura suni makabi kaia sa.

Param Marikanka 3:12

Ani uplika nani sip muni pura lubia ba, yang baha nani ra Gâdki tempelka ra walpa bapanka baku daukamna, bara baha wina kli taki wabia apia ban kaia ra. Witin nani ra Gâdki nina ba ulbamna, Gâdki tawanka nina ba sin, baha ba Jerusalem raya kasbrika purara ba wina bara Gâdki wina aula ba. Witin nani ra sin nini raya ba ulbamni.

Param Marikanka 7:15

Baha mita Gâd king iwaika mawanra buisa, bara ai tempelka ra kakna bara tihmia ai dukia daukisa. Witinka king iwaika ra iwi ba witin nani tilara ban takaski ai kaina kahbia.

1 Samuil 2:2

¡Dawan, wala kum man holi sma ba baku âpu sa! Gâd, man wan kahbisma ba baku wala âpu sa: ¡Man wal baku wala âpu sa!