Luk 19:44 - DAWAN BÎLA AISKA

⁴⁴ bara ban tasba ra sin mai batakbia. Upla nani man ra iwi banhwi ba sut sin ikan kabia, bara man ra walpa kumi walpa wala purara ban swin kabia apia, Gâd mai swaki mai sakaia balan piua ra man mita tawi kaikras kapram ba mita.”

Luk 19:44 ပူးပေါင်းရင်းမြစ်များ

Lawana Nani 137:9

¡Lilia kabia ya, man tuktikam sirpi nani alki walpa ra lulki sabi ikbia ba!

Aiseya 10:3

¿Dîa daukma man nani baha yua ra, diara daukram nani ba sut makabi walbia kaka, bara kaikma klala ba laih wina aula ba ra? ¿Yaura wama hilp makabaia? ¿Anira dukiam kukan ba swima ki?

Aiseya 29:3

Man mampara tnamya kir waihlam nani bapamna, kan kahbaika pliska nani wal mai kutbamna, tnamya kir yukuwi mampara aiklabaia nani ba blikamna.

Jirimaya 11:23

Witin nani kumi sin raya kabia apia, kan yua ba aula baha yua ra yang bui man nani aikuki diara kulki kaikamna, Anatot uplika nani, bara man nani puramra pât tara ba bri balamna.”

Inanka Nani 1:8

Jerusalem saura ailal pali daukan, bamna aitani sa saura kulkaia. Kainara witin ra yamni kulki nani kata ba bui nanara misbara kaikisa, kan baha nani bui witin ra kwala luha kaikan ba mita. Baha mita witin ini ai swira pali, bara ai mawan ai ninara lakisa.

Daniel 9:24

‘Wik nani 70 ba, man uplikam nani bara tawankam holikira ba purak luaia sa, watawika lâka bara saurka lâka wal ba tnata alkan kabia dukiara, saurka ban swin tikaia lâka ba alkaia, bara kasakka lâka ba ban kaia ra bapan kaia, baku mika diara aihka kaikan lâka bara dahra aisinka ba sut tnata alkan kabia dukiara.

Daniel 9:26

Wik 62 lubia ningkara, wan wihtka yamni muni mangkan matawalsip ba ikan kabia, Jerusalem bara Gâd watla ba sauhki tikan kabia, king kum balaia uplika nani bui pat pali piua tnata ba aimakbia, lisamra tara aula ba baku, sakuna war ba lika ban aiklabi kabia, sauhki tikaia lâka ba sin, ban tnata alkbia ba kat.

Miqueas 3:12

Baku bamna, man nani saurkam tâka mita, Jerusalem tawanka Saion ilka ra ba, insla daukaia tasbaya takbia, tawan slingwan bara aisawan tara kum kabia. Dawan ra pura sunaia watla ilka ra, inma kiaya pali man pâwi kabia.

Matiu 24:2

Sakuna Jisas witin nani ra win: —¿Man nani naha sut kaikisma? Kasak pali mai wisna, walpa kum walpa wala purara sin swin kabia apia. Sut kat slingbi sauhkan kabia.

Mark 13:2

Sakuna Jisas witin ra win: —¿Man nani naha watla paskanka tara nani na kaikisma? Nahara walpa kumi sin, walpa wala purara ban kabia apia. Sut kat sauhki tikan kabia.

Luk 1:68

“¡Dawan ba yamni pali kabia, witinka Israel Gâdka ba, ai uplika nani ra swaki sakaia dukiara balan bamna!

Luk 1:78

Wan Gâdka, ai kupia swapni lâka ra umpira wan kaikan bamna, witin yu raya baiwan baku pura wina lapta ba wan blîkbia,

Luk 19:42

naku win: “Man kaikram kata, naiwa piua kupia kumi lâka dukiara dîa pali want sma ba; sakuna nanara baha sut ba yukukan sa, bara man sip kaikras.

Luk 21:6

—Yua nani balbia ba ra, naha diara nani man nani kaikisma na sut sauhki tikan kabia, bara walpa kumi sin walpa wala purara ban swin kabia apia.

1 Pita 2:12

Gâd ra kakaira apia nani tilara pain watauki bas. Baku, witin nani bui mampara man nani ba lâ sasauhkra nani baku damhra sâkbia ba ra, daukankam pain nani ba kaiki, Gâd ra mayuni kabia, witin bal tânkam dukiara mamkabi walbia yua ra.