Luk 19:12 - DAWAN BÎLA AISKA

¹² Bamna witin bila: “Pain kulkan waitnika kum bâra kan, witin kuntri laihura wan, bahara king aimakaia, ningkara kli ai watla ra balaia.

Luk 19:12 ပူးပေါင်းရင်းမြစ်များ

Matiu 21:38

Sakuna wark tatakra nani ba luhpia ba kaikan ba ra, ai mânka naku aisan: ‘Naha sika diara nani na dawanka kabia; kaisa witin ba ikaia, bara diara nani na yawan briaia.’

Matiu 28:18

Bara Jisas witin nani lamara bal, naku win: —Karnika sut yang ra aikan sa, kasbrika purara bara tasba ra.

Mark 12:1

Bamna Jisas witin nani ra maprika bîla nani ni mahka smalkan, bara naku aisin: “Waitna kum kan, witin ai nasla ra wain dusa mangkan; bara kir klar kutban, wain laya taibi sakaia pliska kum daukan bara tawer kum bukan, diara sut ba pain aihwakbia wisi. Ningkara, nasla ba wark tatakra nani mihta ra mangki si, witin kuntri wala ra impakan.

Mark 16:19

Witin nani ra aisin ba ningkara, Dawan Jisas lika kasbrika purara bukan kan, bara mahka Gâd mihta aihkika ra iwan.

Luk 20:9

Ningkara, Jisas bui upla nani ra naha maprika lilka sturka na win: “Waitna kum bâra kan, witin ai nasla ra wain mâ mangki si, ai warkka uplika nani mihta ra swi si, plis laihura impaki wan, bahara sin piu wihka takaskan.

Luk 24:51

Bamna baha nani ra yamni muni kan piua ra, baha nani wina dakwi takan, bara kasbrika purara brih wan kata.

Jan 18:37

Bara Pailat pana win: —¿Baku bamna, man ba king kum sma ki? Jisas pana win: —Âu, yang na king sna, man aisaram ba baku. Yang aisubi taki, naha tasba ra balri diara kasak ba upla nani ra wiaia. Bamna baha nani sut kasakka lâka ra nani ba, yang dîa aisisna ba aman walisa.

Apastil Nani Sturka 17:31

Gâd yu kumi mangkan sa, naha tasba aiska na lâka wapni kat daukaia, waitna kumi witin bâk sakan ba mita. Naha dukiara tânka aiska wan marikan sa, Jisas pruan wina bukan bamna.”

1 Korint 15:25

Kan Kraist ba king kaia sa, Gâd mita ai waihla nani sut ai mina nani munhtara mangkbia ba kat.

Hibru Nani 9:28

Baku sin, Kraist ba aima kumi baman sakripais dauki yan kata, upla ailal saurka nani brih sakaia dukiara. Bara witin kli aima wala bal latan takbia, saurka nani brih sakaia dukiara lika apia, sakuna ai bîla kaiki uplika nani ra swaki sakaia.

1 Pita 3:22

Bara witinka sika kasbrika purara uli Gâd lama pali ra iwi ba, bara insal nani, kasbrika purara karnika bri nani ba, bara karnika wala bri nani ba sut purara sin, witin wihta aimakisa.

Param Marikanka 1:7

¡Kraist ba kasbrika nani tilara balbia! Upla sut mita witin ba kaikbia, ai wîna tara dus prihni ra saban uplika nani sin. Tasba aiska uplika nani witin kaiki sari bri inbia. Âu, baku kabia.