Luk 18:32 - DAWAN BÎLA AISKA

³² Ju apia nani mihta ra ai mangkan kabia laiwaska kikaia, bara yabalaya ai tuhbia.

Luk 18:32 ပူးပေါင်းရင်းမြစ်များ

Aiseya 50:6

Yang nini ba ai praprukra nani ra yabri, ai wipan, yang maiwan nani ba sin wan unmaya dadaikra nani ra yabri, bara maiwan ba sin yukukras kapri saura aisi nani ba wina, yabalaya ni ai tuhbi kan ba sin.

Aiseya 52:14

Upla ailal witin ba kaiki tâ iwan ba baku, witin nani kaikan ai mawan pîska ba sât aihka pali takan ba, kan upla luhpia nani prana ba witin wina lap tiwan kan bamna,

Aiseya 53:3

upla nani witin ra bahki kulki lulki swin, waitna kum ai wîna latwanka uya bri kan, pât wahwaia ba ai natka takan. Witin ra upla kum baku kaikaia uplika apia kan, yawan bui witin ba bahki kulkan, yawan bui witin ba wan tilara kulkras.

Miqueas 5:1

Dawan bila win: “¡Jerusalem uplika nani, tawankam ba kutbi bris! ¡Mampara aiklabaia pat mai kutban sa! Bara Israel wihtka ra karna pali prukbia.

Matiu 16:21

Baha piua wina Jisas ai disaipilka nani ra mahka smalkan, witin ba Jerusalem ra waia kabia, bara wihta almuk nani, prîs wihtka nani bara Lâ Smasmalkra nani sut mita munka kasak pât wauhbia. Bara sin win witin ra ikbia, sakuna yu yumhpa ra kli bukan kabia.

Matiu 20:19

Ju apia nani mihta ra mangkbia witin swira daukaia mata, prukbia bara dus prihni ra sabia; sakuna yu yumhpa ra, pruan wina kli bukan kabia.

Matiu 22:6

wala nani ba lika king albika nani ba alki rausauhki, ikan.

Matiu 26:67

Ai mawan ra yabalaya tuhbi, prukan. Wala nani mita mawan ra pruki,

Matiu 27:2

Bamna witin nani bui Jisas ba priski Pailat ra brih wan, witin Rom wihta tara ba.

Mark 14:65

Bara upla tila nani mahka witin ra yabalaya tuhban, ai mawan praki pruki kan, naku sin witin ra win: —¡Dahra aisi wis, ya mai prukan sapa! Bara tempel ra aihwaki kan nani ba mita ai mawan ra prukan.

Mark 15:1

Bara yu baiwan ra, prîs wihtka nani asla prawan, wihta almuk nani, Lâ Smasmalkra nani, lâ wihtka nani sut ba kira. Bamna witin nani bui Jisas ba priski bri si, Pailat mihta ra mangkan.

Luk 18:33

Witin nani mita ai prukbia, ningkara ai ikbia, sakuna yu yumhpa ra pruan nani tila wina kli buamna.”

Luk 23:1

Baha nani sut buan, bara Jisas ba Pailat mawanra brih wan.

Luk 23:11

Ba ningkara Herod bara ai suldiarka nani aikuki bahki pali kulkata bara witin ra lawaska kikaia wisi, bamna kwala pranakira pali sin dingkan king baku. Ningkara, Herod mita witin ba kli Pailat ra blikan.

Luk 23:35

Upla nani sin bahara bûi kaiki kata, wihta tara nani mita sin ai lawaska kiki, naku aisi kan: —Upla wala nani ra swaki sakan; bamna nanara witin swak takbia, witin ba kasak Misaya sa kaka, Gâd mita bâk sakan ba.

Jan 18:22

Jisas naha aisin ba ra, tempel ra aihwawakra kum bâra kan ba mita, witin mawan kat pruki, win: —¿Man baku pali prîs tara ra aisisma?

Jan 18:28

Bamna Jisas ba Keyapas watla wina tawan wihtka tara watla ra brih wan. Baha piua ba pat yu baiwaia man kan, bara Ju nani lika lâ watla tara ra dimras kan, tâski kulkan kabia apia dukiara, kan baku daukbia kaka, Insal luan Yua Liliaka tutnika pata ba piaia sip apia kan.

Jan 18:30

Witin nani pana win: —Naha waitnika na saura dadaukra apia kaka, yang nani bui man mihtam ra mangkaia apia kapri.

Jan 18:32

Baku lika Jisas, witin dîa pruanka natka ni pruaia aisin ba aimakaia kan.

Jan 18:35

Pailat mita pana win: —¿Dîa yang na Ju? Man nisankam bara prîs tara nani mita sika mihti ra mai mangkan ba. ¿Bamna man dîa daukram?

Apastil Nani Sturka 2:23

Blasi piua wina Gâd mita ai Luhpia ba ridi dauki dîa takaia kan ba pain kaiki si, man nani mihtam ra mangkan ba ra, witin ba silak ra mangkram, baha ningkara upla watawikira nani mihta ra mangki bri si dus prihni ra sabi ikram.

Apastil Nani Sturka 3:13

Apia, sakuna Ebraham, Aisak, Jekob bara wan damika nani sut Gâdka mita ai Luhpia Jisas ba purara pali buki prana daukan, baha sim Jisaska ra sika man nani mita wihta nani mihta ra mangkatma ba, bara Pailat pri sakaia win ba ra, man nani apia wisatma ba.