Luk 18:30 - DAWAN BÎLA AISKA

³⁰ witin naha tasba ra kau manis bribia, bara baha tasbaya naika aula ba ra raya ban kaia lâka ba bribia.

Luk 18:30 ပူးပေါင်းရင်းမြစ်များ

Job 42:10

Job ai pânika nani dukiara ai pura sunan ba ningkara, Gâd mita ai dukia nani kan ba kli yan kainara kata ba baku, kainara bri kan ba wal kau aima wâl prais.

Lawana Nani 119:103

Man pramiskam nani ba yang dairkaya ra damni pali sa, bîli ra nasma baku sa.

Lawana Nani 119:111

Yang prapatiki ban kaia ra ba lika man lâmka, kan man bîlam nani ba bui lilia ai daukisa.

Lawana Nani 119:127

Ba mita, yang lika man lâmka bîla nani ba latwan kaikisni gul pain aihwa ba purkara.

Lawana Nani 119:162

Yang lika lilia daira walisna pramiskam nani ba wal, upla kum diara kukan tara kum sakan ba baku.

Lawana Nani 119:72

Yang maipara kau tara sa, man smalkankam ba, kau pain sa, gul bara silbar mâ tausin ailal briaia ba wal.

Lawana Nani 37:16

Kasakkira diara wiria bri ba, kanra yamni sa, upla watawikira yuya ailal bri ba wal.

Matiu 12:32

Bara ya ya Upla Luhpia Waitna mapara diara kum aisabia ba, Gâd baha uplika pâtka ban swih tikan kabia; sakuna ya Spirit Holikira mapara bîla saurakira nani aisabia ba, naha tasba ra bara tasba wala aula ba ra sin swih tikan kabia apia.

Matiu 4:24

Siria tasbaya sut ra Jisas sturka walan, bara siknis sât sât bri nani, pirit saura bri nani, wîna tatatwi nani bara wakia lâwi pruan nani ba sin sut witin ra brih balan. Jisas mita sut rakan.

1 Timoti 4:8

Wan wîna tara wark taki ba pain sa, sakuna Gâd ra luki kaia ba lika diara sut mapa ra kau pain sa; kan baha diara wankaia pramis wan munisa, tasba ra raya iwi kaia ba, bara naika rayaka briaia ba sin.

1 Timoti 6:6

Gâd ra luki kaia lâka ba mita upla ra yuyakira daukisa, sakuna uplika ba baha bri ba wal ai âuyapah sa kaka.

Param Marikanka 2:10

Pât wahwaia sma ba si bripara; kan man nani tilam wina kum kum ba dibil mita silak ra mangkbia, sut traikam kaikaia dukiara; bara yu matawalsip man nani pât wahwaia kama. Bamna pruma ba kat kasak bas, bara yang raya kaia kraunka ba maikamna.

Param Marikanka 2:17

¡Ya ai kiama bri ba, Spirit serts nani ra wi ba, witin walaia sa! Ya sip muni pura lubia ba, manâ yukukan ba wina yang mita yârika pibia; bara walpa pihni kum yabamna, bara baha walpaya ra nina raya kum ulban sa baha ba upla kumi sin kakaira apia, uplika brisa ba baman.’

Param Marikanka 3:21

Ya ya sip muni pura lubia ba, yang king iwaiki ra plis kum yabamna, yang wal iwaia, sim yang mita pura lui Aisiki wal ai king iwaika ra iwisna ba baku.