Luk 17:27 - DAWAN BÎLA AISKA

²⁷ Witin nani plun pi kan, diara di kan, marit taki kan, ai luhpia mairin nani sin marit saki kan, Noa ark watla ra aimakan piua ba kat; bamna lisamra balan ba ra, baha nani sut pruan.

Luk 17:27 ပူးပေါင်းရင်းမြစ်များ

Blasi Sturka 7:23

Baku sika tasba purara rayaka bri nani kan ba, sut sauhki tikan ba: upla nani, daiwan sâtka bani, ai biara purara kwasi nani ba, bara tnawira nani pâli ba sut, tasba wina baha nani âpu daukan. Bara Noa baman takaskan, daiwan nani witin wal ark watla ra diman kan nani ba sin takaskan.

Blasi Sturka 7:7

Lisamra tara dingkan bara Noa ark watla ra diman, ai luhpia waitna nani, ai maya bara ai mula yaptika nani sut kira, lisamra tara wina swakwaia dukiara.

Aiseya 21:4

Lukanki ba tanis brisna, sibrinka tara ba mita, sibrin ai dingkan; tutni kaulhka ba yang uba pain kaiki katna, nanara sibrinkira lâka yang ra takan.

Aiseya 47:11

Sakuna diara saura ba ban man puramra balbia, sukia warkka daukisma ba mita sip takaskbia apia; diara saura tara kum man puramra kauhbia, man mita sip takaskma apia; pât kum man bîla kaikras sma ba damra walras kira aihni puramra balbia.

Matiu 22:30

Pruan nani kli bubia ba ra, witin nani marit takbia apia, ai luhpia mairin nani sin marit sâkbia apia, kan witin nani ba lika Gâd insalka nani kasbrika purara ba baku kabia.

Luk 17:26

Noa piua ra nani ra takan ba baku kabia, Upla Luhpia Waitna balaia piua nani ra.

Luk 17:28

Lot piua nani ra sin baku takan: witin nani plun pi kan, diara di kan, diara pana pana atki kan, insla mangki kan, ai watla nani sin mâki kan;

1 Samuil 30:16

Bara âimplikra nani bâra kan ba kat brih wan, witin nani twi mawan âpu yakabrira plun pi bara di banhwi kan, filisteo bara Juda tasbaya wina diara nani implikan ba ai lilia bri banhwi kan.