Luk 17:26 - DAWAN BÎLA AISKA

²⁶ Noa piua ra nani ra takan ba baku kabia, Upla Luhpia Waitna balaia piua nani ra.

Luk 17:26 ပူးပေါင်းရင်းမြစ်များ

Blasi Sturka 6:5

Bara Dawan kaikan upla nani watawika lâka ba tara pali kan tasba ra, upla nani ai kupia lukanka ra diara daukaia luki ba lika, kau saura dauki kaia ba baman luki kan.

Blasi Sturka 6:7

bara Dawan win: “Upla nani yang paskri ba, tasba mawan wina diki âpu daukamni; upla bara daiwan nani sut ai biara purara kwasi tauki ba wina, pâli tauki ba kat sin sut. ¡Yang kupi sari takan sa, witin nani ba paskri ba dukiara!”

Blasi Sturka 6:8

Sakuna Dawan nakra nani ra Noa baman kupia yamni lâka ba alkan kan.

Aiseya 22:13

Sakuna nanara, kaiks, lilia lâka baman sa, bîp nani ikaia, baku sin sîp nani, wîna piaia, wain diaia. Man nani aisaram: “Yawan nani plun pi kap bara sin di kap, kan yauhka yawan sut prubia bamna.”

Luk 17:22

Bamna ai disaipilka nani ra win: —Yua nani balbia ba ra, man nani want pali kama, Upla Luhpia Waitna piua kum, apia kaka wiria pan kaikaia, sakuna sip kaikma apia.

Luk 17:24

Bamna imyula lipan ingnika kasbrika tâ kumi wina tâ wala kat kaikisma ba baku, sim sât kabia Upla Luhpia Waitna aula ba ra.

Luk 17:27

Witin nani plun pi kan, diara di kan, marit taki kan, ai luhpia mairin nani sin marit saki kan, Noa ark watla ra aimakan piua ba kat; bamna lisamra balan ba ra, baha nani sut pruan.

Luk 17:7

“Man nani alba kum brisma kaka, bara baha albika insla ra tasba tukbi si, apia kaka daiwan nani main kaiki si balbia kaka, ¿ban sip sma ki wiaia: ‘Man nahara bal iwi, plun pis’?

Luk 18:8

Yang mai wisni, witin takaskras kira hilp munbia. Sakuna Upla Luhpia Waitna ba balbia ba ra, ¿kasak lukan lâka ba kau naha tasba ra sâkbia lukisma ki?”

Hibru Nani 11:7

Kasak lukan lâka mita, Noa ba diara nani naika takaia kan ba kaikras kan sakuna, Gâd mita smalki win ba ra, witin lika Gâd bîla kat wali, ark watla ba paskan ai watla uplika nani swaki sakaia dukiara. Kasak lukan lâka bri kan ba mita, tasba uplika nani ba Noa bui pât ra dingkan, bara kasakka lâka kasak lukan lâka wina taki ba, witin ba Gâd wina brin.

2 Pita 2:5

Wan tasbaya almuk pali ra sin, Gâd mita swih tikras kan, sakuna lisamra tara blikan, bara baha uplika saura nani kan ba âpu daukan, kuna Noa bara kau upla 7 kira swaki sakan; Noa sika upla nani ra smalkan ai rayaka wapni bri kaia dukiara.

2 Pita 3:6

Bamna lî bâk lisamra tara dingki, tasbaya almuk kata ba âpu daukan.