Luk 16:2 - DAWAN BÎLA AISKA

² Bamna wark uplika dawanka ba mita paiwi, win: ‘¿Man dukiamra upla nani ai wi na dîa sa ki? Man warkkam nani wauhkataya ba bri sal aik, kan man kli yang warkki dauki kama apia.’

Luk 16:2 ပူးပေါင်းရင်းမြစ်များ

Smasmalkra 12:14

Gâd wan daukanka nani sut ba lâka daukbia, pain daukan, apia kaka saura daukan ba, bara dîa yukuwan ra daukan ba sin.

Matiu 12:36

Bamna yang mita naha mai wisna: Lâ daukan kabia yua ra, upla sut ai bîla swak taki aisin nani ba dukiara ai dahra sakaia kabia.

Matiu 20:8

“Tihmia iwan ba ra, insla dawanka ba wark pura kakaira ra win: ‘Wark tatakra nani ba paiwi, ai mana ba yas; lâs ra balan ba wina aibaps, tâura balan ba lâs ra aibaps.’

Luk 12:20

Sakuna Gâd mita win: ‘Waitna sinskas, naha sim tihmika pruma; ¿bara diara suni swiram ba ya dukia kabia ki?’

Luk 12:42

Pana Dawan bila: “Bamna, ¿ya ba alba kasak sins aitani sin kat bri ba? Baha ba lika ai dawanka mita ai watla dukia aiska ba ai mihta ra mangkuya ba, suliar nani utla ra ba ra piua kat plun yabi kaia dukiara.

Luk 16:1

Jisas ai disaipilka nani ra win: “Lalahkira waitna kum witin ai warkka uplika kum bri kata, bara upla nani bal maisa pakan naha warkka uplika ba mita ai dukia nani ba bahki baman tikisa.

Luk 16:3

Baku mika, wark uplika ba ai kupia wal aisin: ‘¿Nanara yang dîa daukaia, dawanki mita warkki na mihti wina sâkbia kaka? Tasba tukbaia karnika sin âpu sna, bara upla nani ra wih diara makabaia sin swiri ai daukisa.

Roman 14:12

Baku bamna, yawan kumi bani wan tânka ba saki Gâd ra param wibia.

1 Korint 1:11

Muihki nani, naha na mai wisna, Cloe watla uplika nani mita man nani tilamra unsaban nani bâra sa ai win ba mita.

1 Korint 4:2

Bamna, dukia dadaukra ba mita latan marikaia sa, witin ba ai dawanka ra kasak sa.

1 Korint 4:5

Baku bamna, piu kau kan ba ra diara nani ba lâka aisi dauki kapara. Dawan bal, tihmu ra yukukan dukia nani ba ingni ra brih sâkbia ba, bîla kaiki bas. Dawan mita upla nani ai kupia ra dîa daukaia luki ba sut latan sâkbia. Bâra mika, upla bani mayunra briaia ba kat, Gâd wina bribia.

2 Korint 5:10

Kan yawan kumi bani Kraist lâ iwaika mawanra bubia sa, bahara kat upla bani ai mana dîa kabia ba briaia dukiara, mana yamni, apia kaka mana saura, witin ai wîna ra raya kan piua daukan ba tânka kat.

1 Timoti 4:14

Serts almukka nani, Gâd mita witin nani ra ingnika yaban bâk, man puramra ai mihta nani kahbi sins maikan ba, ban alki bri bas.

1 Timoti 5:24

Upla tila nani saurka ba, witin nani kau lâka daukras ba ra, pat latan kaikaia sip sa; sakuna wala nani saurka ba lika, lâka daukan ningkara kaikaia sip sa.

1 Pita 4:10

Kumi bani Gâd mita ai sinska yaban praiska kat ai uplika nani dukia dauki kaia sa, Gâd yamnika sât sât ba bisniska dadaukra painkira nani baku.

1 Pita 4:5

Sakuna witin nani ba Gâd ra ai tânka saki aisaia kabia, witinka raya nani bara pruan nani lâka daukaia ridi ba ra.

Param Marikanka 20:12

Bara pruan nani ba kaikri, tara nani bara sirpi nani, Gâd mawanra ai mina ra bûi kan. Wauhkataya nani ba kwâkan kan, bara wauhkataya wala sin kum, baha sika raya kaia wauhkataya ba. Pruan nani ba dîa dauki kan ba kat lâka daukan kata, dîa baha wauhkataya nani ra ulban ba kat.