Luk 16:10 - DAWAN BÎLA AISKA

¹⁰ “Ya diara wiria lupia mapa ra kasak kabia kaka, witin sip kabia diara ailal mapa ra sin pain kaia; bamna ya diara wiria lupia mapa ra kasak apia ba, diara ailal mapa ra sin sip pain kabia apia.

Luk 16:10 ပူးပေါင်းရင်းမြစ်များ

Matiu 24:45

“¿Bamna ya pali ba alba kasak sinskira ba? Baha lika ai dawanka mita ai watla suliarka nani purara mangkan ba, witin nani ra piua kat plun dakakbia dukiara.

Matiu 25:21

Dawanka ba bila: ‘Pain; man ba alba pain bara yamni sma. Man ba diara wiria wal kasak kapram bamna, diara ailal mihtam ra mangkamna. Bal dimi, yang wal lilia bris.’

Matiu 25:23

Ai dawanka ba mita win: ‘Upla pain; man ba alba pain bara yamni sma. Diara wiria lupia wal kasak kapram bamna, yang mita kau diara ailal mihtam ra mangkamna. Bal dimi, yang wal lilia bris.’

Luk 19:17

King ba mita pana win: ‘Yamni daukram; man alba yamni pali sma; diara wiria mapa ra kasak kapram bamna, yang mita tawan matawalsip wihtka mai mangkuna.’

Jan 12:6

Judas naha aisin na lika umpira nani ra luki lika apia, kuna witin ba âimplikra kan ba mita, bara baha purkara lalah sakbatka ba twilki kata, bara witin baha sakbatka wina lalah impliki kan.

Jan 13:2

Jisas ai disaipilka nani aikuki tutni pata pi kan ba ra Judas, Saiman Iskariot luhpia ba, Jisas waihla mihta ra mangkaia lukanka ba dibil mita pat kupia ra mangkan kan. Jisas kaikan ai Aisika mita witin ra karnika aiska pali ba yan sa, bara witin sin Gâd wina balan bara kli Gâd ra auya. Bamna Jisas tibil wina bûi, ai pura kwalka ba saki swi si, kwala pîs kum brih ai maisa ra wilkan.

Jan 13:27

Judas baha britka pîs ba brin wal baku, Sitan lika witin kupia ra diman. Baku bamna, Jisas bila: —Dîa daukaia sma ba, aihni dauks.

Hibru Nani 3:2

Bamna Jisas ba Gâd ra ban kasak kan, witinka naha warkka daukbia wisi bâk sakan ba, sim Moses Gâd watla aiska ra ai warkka kat ban kasak kan ba baku.