Luk 15:13 - DAWAN BÎLA AISKA

¹³ Yu kulki luan ningkara, luhpia waitna kau wahma ba ai dukia nani sut asla wahbi brih, plis laihura wan, bara bahara saura baman dauki, ai lalahka kata ba sut âpu tikan.

Luk 15:13 ပူးပေါင်းရင်းမြစ်များ

Lawana Nani 73:27

Ani uplika nani man wina tnaya ra tawi ba sut lika, prui tiwbia; ani uplika man wal kasak apia ba sut sauhki tikma.

Sins Lâka 18:9

Sringwaskira nani bara sauhki tatikra nani ba wal, ai muihni pali takisa.

Sins Lâka 21:17

Lilia lâka baman lihki uplika ba, diara luha pali uplika kabia; wain laya bara isint nani sin lihki uplika ba lika lalahkira takbia apia.

Sins Lâka 21:20

Upla sinskira watla ra yuya bâra sa, bara isint sin; sakuna taniskira nani diara bri ba sut danh daukisa.

Sins Lâka 27:8

Tnawira luhpia ai watla wina taki laihura wih watauki ba, baku sa ya aisubi takan tasbaya wina laihura watauki ba.

Sins Lâka 28:7

Ya Gâd lâka alki yamni brih uplika ba lika upla luhpia sinskira sa, sakuna bîla maihsira nani ai pânika bri ba lika, ai papika swira tara paskisa.

Sins Lâka 29:3

Luhpia waitna sinskira ba, aisika lilia sakisa; sakuna rug mairin nani wal tauki ba lika ai yuyaka tanis tikisa.

Sins Lâka 6:26

Ur mairin ba, plun bîla kumi ninara wîsa, sakuna upla maya lâka sasauhkra ba, waitna kulkanka bri ba ninara wîsa.

Aiseya 1:4

¡Alai, upla saura dadaukra nani, watawi lâka man twilki banhwisa ba, saura dadaukra kiamka nani, watawi lâka luhpia nani! Dawan wina laihura takan nani, Israel Gâdka Holikira ba wina sin laihura takan, Gâd ba lulki swin.

Aiseya 22:13

Sakuna nanara, kaiks, lilia lâka baman sa, bîp nani ikaia, baku sin sîp nani, wîna piaia, wain diaia. Man nani aisaram: “Yawan nani plun pi kap bara sin di kap, kan yauhka yawan sut prubia bamna.”

Aiseya 30:11

Man nani yabal ba swis, yabal bîla pali wina tnaya ra taws, yawan mawan wina Israel Gâdka Holikira ba sâks.”

Aiseya 56:12

Witin nani wisa: “Kaisa yawan wain pliki diaia, wain karna pain ba di bla takaia. Yauhka yua ba sin, naiwa na baku kaia, apia kaka yauhka kau di lilia kaia.”

Jirimaya 2:13

“Yang upliki nani aima wâl saura daukan: ai lulki ai swin, yang rayaka laya kârma ra ai briras, witin nani lî watla paskan, laya watla nani ba iswisa sip lî alki takaskras ba.

Jirimaya 2:31

(Man nani sin, naiwa uplika nani, Dawan aisin bîla na wals.) Israel, ¿yang na man nani ra upla iwras tasbaya kum takri sa ki?, ¿tasba kum ingni âpu? Upliki nani, ¿dîa muni naku aisisma: ‘Yang nani pri sna; yang nani sip kli man ra tawi wamna apia’?

Jirimaya 2:5

Dawan aisisa: “¿Almukkam nani ba dîa saura daukri ai kaikan, baha tâwan yang wina laihura taki wan ba? Gâd apia diara bahki nani ba ninara witin nani wan, bara witin nani sin baku diara bahki takan.

Miqueas 6:3

Naha na Dawan aisisa: “Upliki nani, ¿man nani mampara yang dîa daukri, diara aihka pali sin mai munri sa ki? ¡Ai wis!

Luk 15:12

Witin nani wâl ba wina kau wahma ba ai aisika ra win: ‘Aisiki, naika diara aikaia sma ba mahka aik.’ Bamna aisa ba mita diara nani sut ai luhpia wâl ra yui yan.

Luk 15:14

Ai lalahka sut âpu tikan ningkara, plun tiwan tara pali kum baha pliska ra balan, bara witin mahka plun wahwan.

Luk 15:30

Sakuna naha man luhpiam balan sa, witin lika man lalahkam rug mairin saura nani wal bahki ra baman tikan, bara witin dukiara man bîp lupia batanira ba ikram.’

Luk 16:1

Jisas ai disaipilka nani ra win: “Lalahkira waitna kum witin ai warkka uplika kum bri kata, bara upla nani bal maisa pakan naha warkka uplika ba mita ai dukia nani ba bahki baman tikisa.

Luk 16:19

“Yuyakira waitna kum bâra kan, witin kwala painkira nani baman dimi kan, bara yu bani lilia dauki, ai prana ra iwi kata.

Epesus 2:13

Sakuna nanara lika Kraist Jisas wal asla mai prakan, bara Kraist pruanka ba mita, man nani laihura nani katma ba ai lamara mai mangkan.

Epesus 2:17

Kraist bal upla sut ra kupia kumi sturka yamni ba smalkan, man nani laihura nani katma ba sut ra, bara Ju nisanka sut, Gâd lamara kan nani ra sin.

2 Pita 2:13

bara pât wahwi kabia upla wala nani ra yan pât wahwan ba mana. Witin nani lika lilia sa lukisa, minitka ra dukiara dîa dîa dauki ba mita; baha ba swira lâka bara mina prukaia lâka kum sa, ani piua pata tara ra witin nani ba man nani wal asla iwi pi piua ra, ai tânka kuninkira nani wal lilia taki ba ra sin.