Luk 14:32 - DAWAN BÎLA AISKA

³² Witin sip apia kaka, king wala ba kau laihura sa ba ra, upla nani bliki makabuya wal kupia kumi takaia.

Luk 14:32 ပူးပေါင်းရင်းမြစ်များ

Job 40:9

¿Dîa man ba yang baku karnakira sma ki? ¿Man bîlam baikra ba, yang bîli baikra alwani ba baku sa ki?

Matiu 5:25

“Upla kum mita lâ mai dingki lâ watla ra mai brih wabia kaka, yabal ra wal kupiam kumi taks, wihta mihta ra mai mangkbia apia dukiara. Kan baha daukras kaka, wihta ba mita pat suldiar nani mihta ra mai mangki silak ra mai mangkbia.

Matiu 5:42

Ya dîa mai makabia ba yas; bara ya ya diara lin mai takka, ninam tawi wapara.

Luk 12:58

Upla kum man wal lâ dimaia wisi wihta ra auma kaka, trai muns yabal ra wal mahka wapni takaia, wihta ra mai brih wabiara sîa; kan wihta ba mita suldiar mihta ra mai mangkbia, bara suldiar ba mita silak ra mai mangkbia.

Luk 14:31

Baku sin, king kumi king wala mapara war aiklabaia sa kaka, witin mahka iwi luki kaikuya suldiar 10,000 ni sip kabia sapa wala 20,000 brih aula ba mapara wih aiklabaia.

Luk 14:33

Baku sin, ya man nani tilam wina witin dîa bri ba sut swiras kaka, yang disaipilki kaia sip apia sa.

Luk 19:14

Sakuna ai kuntrika uplika nani mita misbara kaikan, bara witin ninara upla nani bliki, maisa paki, win: ‘Yang nani want apia sna naha waitnika wan kingka kabia.’

Apastil Nani Sturka 12:20

Herod lika ai kupia baiki kata, Tiro bara Sidón wal tawanka ra iwi uplika nani mapara, kuna yu kum witin nani sut aidrubi balan witin ba mawanra. Sakuna witin nani lalah ni Herod suldiarka wihtka kumi wal uplika taki banhwan, baha nina ba Blasto kata. Bamna witin bâk kupia kumi lâka makaban, witin nani ai tasbaya ba king kuntrika wina ai pata bri kan bamna.