Luk 13:27 - DAWAN BÎLA AISKA

²⁷ Sakuna witin pana mai wibia: ‘Pat mai wîri, man nani ba ani wina sma sapa yang mai kaikras. ¡Yang maiwan wina taki was, man nani saurakira nani!’

Luk 13:27 ပူးပေါင်းရင်းမြစ်များ

Lawana Nani 1:6

Dawan bui kasakkira nani yabalka main kaikisa; sakuna upla watawi nani yabalka lika sauhki tikaia ra brih wisa.

Lawana Nani 101:8

Yua bani ra, yang bui upla saurakira nani sut kuntri ra ba âpu daukamni; ¡Dawan tawanka ba wina saura dadaukra nani ba âpu daukamni!

Lawana Nani 119:115

Watawi dadaukra nani, yang wina tnaya ra taws, bara yang lika Gâdki lâka bîla nani alki brimni.

Lawana Nani 125:5

Sakuna baha nani yabal saura ra auya ba, baha nani brih was, saura dadaukra nani aikuki. ¡Kupia kumi lâka Israel ra bâra kabia!

Lawana Nani 28:3

Upla watawikira nani aikuki ai raski ai brih wapara, saura dadaukra nani ai mana briaia ba wal sin apia, lata wina kaiki ba wan uplika baku wan marikisa, sakuna ai kupia bîla watawi lâka ni banhwan sa.

Lawana Nani 5:6

Kunin aisasara nani ba, man sauhki tikisma, upla tâlia laiki nani ba, kunin mamunra nani ba sin saura kaikisma.

Lawana Nani 6:8

¡Yang wina laihura taks, man nani saura dadaukra nani; yang inanki na, Dawan walan bamna!

Oseas 9:12

Witin nani ban kra luhpa baikbia kaka sin, yang mita luhpia nani ba sut mihta dakbamna. Yang lika witin nani wina tnaya ra tawamna bara naha uplika nani sari pali kabia.

Matiu 25:12

Sakuna witin mita pana win: ‘¡Kasak pali, yang bui man nani ba mai kaikras!’

Matiu 25:41

“Bamna king ba mita ai smihka ra nani ba ra wibia: ‘Yang wina taki was, mai lahtuban nani sma ba; ban kaia ra pauta lakni dibil ai insalka nani wal dukia wisi ridi daukan ba ra man nani was.

Luk 13:25

Utla dawanka ba dur ba prakbia ba ra, man nani latara banhwi kama ba, dur ra kingbi, wima: ‘Dawan, yang nani ra sin dur sâks.’ Sakuna witin mai wibia: ‘Man nani ba ani wina sma sapa yang mai kaikras.’

1 Korint 8:3

Sakuna ani uplika Gâd ra latwan kaiki ba, Gâd mita witin ra kaikisa.

Galesha 4:9

Sakuna nanara Gâd kakaira takram na ra, apia kaka kau param wiaia, Gâd sin man nani mai kakaira takan na ra, ¿nahki baha karnika swapni bara umpira nani kata ba ra kli tawi alkma, baha nani albika kli takaia wisi?

2 Timoti 2:19

Sakuna Gâd mita playa kum karna bapan ba lika ban buisa, bara naha bîla nani na bahara ulban sa: “Dawan mita ai uplika nani ba kakaira sa”, bara: “Ani uplika nani Dawan nina bri ba, witin nani ba saurka wina tnaya ra takaia sa.”