Luk 12:7 - DAWAN BÎLA AISKA

⁷ Bamna Gâd mita man nani lamla ra tâwa mina bani ba sut kulki brisa. Baku bamna, man nani si bripara, kan man nani ba kau mana tara sma tnawira nani ba wal.

Luk 12:7 ပူးပေါင်းရင်းမြစ်များ

2 Samuil 14:11

Mairin ba takaskras kau ban aisi kan: —King ra yang makabisna, witin ai Dawan Gâdka ra ai pura sunbia, luhpi pruan ba dukiara taika nani pana munaia luki trabil ra kau tara daukaia apia luhpi wala na sin ikaia. King ba baha bîla ba tâ baikan: —Dawan nina ra, yang bui man ra swer takisna, luhpiam lal wina tâwa mina kumi sin kauhbia apia.

Job 35:11

witinka bui wan smalki wan mariki ba, daiwan nani bara piawira nani bâk.

Lawana Nani 8:6

witin ba, man mihtam warkka nani dawanka mangkram, diara sut ai mina mununhtara mangkram.

Matiu 12:12

Bamna, upla ba lika sîp purkara kau tara sa. Baku bamna, ris yua nani ra diara yamni daukaia lâ sa.

Matiu 6:26

Daiwan tnawira nani purara pâli ba ra kaiks: witin nani plun mâ mangkras bara dâkras, pata mâ ba sin plun auhbaika watla ra sunras; sakuna man nani kasbrika purara ba mita plun dakakisa. ¿Man nani ba daiwan tnawira nani ba wal kau tara apia?

Luk 21:18

Sakuna tâmwa ba wina mina kumi sin tiwbia apia.

Apastil Nani Sturka 27:34

Bamna mamkabisna man nani plun wiria pan pima. Naha pima aitani sa raya kaia ba mata, kan man nani wina kumi sin tâmwa mina kumi sin tiwbia apia.

1 Samuil 14:45

Sakuna upla nani Saúl ra win: —¡Nahki baku wiaia aitani kabia, Janatan ba pruaia! ¡Janatan mita sika pura luan lâka tara kum ba, Israel ra yan ba! ¡Baku lika sip apia! ¡Dawan raya ba nina ra, witin ai lal wina tâwa mina kum sin tasba ra kauhbia apia! Naiwa witin diara daukan ba, Gâd hilpka ba mita witin daukan. Baku upla nani ba mita Janatan rayaka ba prura wina swaki sakan.