Luk 12:43 - DAWAN BÎLA AISKA

⁴³ Lilia pali sa baha albika ai dawanka balbia ba ra, dîa daukaia ai mihta ra swin ba kat dauki kaka sâkbia ba.

Luk 12:43 ပူးပေါင်းရင်းမြစ်များ

Lawana Nani 101:6

Naikra nani ba, upla kasak nani ra kaiki kabia, yang wal asla iwi kaia ba dukiara yang warkki baman dauki kaia baha nani ai rayaka wapni iwi nani ba.

Sins Lâka 27:18

Kwah damni dusa aihwaki kaiki uplika ba, baha mâ wina pîsa, baku ai dawanka dukia nani ban aihwaki kaiki uplika ba, kulkanka bribia.

Aiseya 56:2

Lilia pali sa baha uplika naha adarka nani nina bliki ba, kasak luki kira baha nani sut daukisa, ris yua ba kulkanka yabisa. Witin aman kaikisa saura ba daukaia apia.”

Matiu 24:46

Lilia pali kabia ani albika ai dawanka balbia piua ra baku ai warkka dauki kaka sâkbia ba.

Luk 12:37

Lilia pali sa baha alba nani yapras raya ban ai dawanka mita bal sakuya ba; yang mai wisna, witin ba ai maisa pain wilki, yaka witin nani ba tibil ra iwbia plun piaia.

Luk 12:42

Pana Dawan bila: “Bamna, ¿ya ba alba kasak sins aitani sin kat bri ba? Baha ba lika ai dawanka mita ai watla dukia aiska ba ai mihta ra mangkuya ba, suliar nani utla ra ba ra piua kat plun yabi kaia dukiara.

Luk 12:44

Kasak pali mai wisna, dawanka ba mita dîa dîa witin bri ba sut wihtka mangkbia.

2 Pita 3:14

Baha mita, muihki laitwankira nani, naha diara nani bîla kaikisma ba ra, dîa sip sma ba kat trai kaiki bas; bara Gâd bui man nani mai kaikbia ba ra, kupia kumi, tâski âpu bara pâtkas nani kama.