Luk 12:14 - DAWAN BÎLA AISKA

¹⁴ Sakuna Jisas bila: —Waitna, ¿ya mita man nani tilamra wihta, apia kaka diara yuaia ai mangkan ki?

Luk 12:14 ပူးပေါင်းရင်းမြစ်များ

Impakan Sturka 2:14

Bara waitna ba pana witin ra win: —¿Man ba ya mita yang nani tilira wihtka kaia mai mangkan? ¿Dîa, yang ra sin ai ikaia lukisma, Idsip waitnika ra ikram ba baku? Moses baha walan ba ra sibrin takan, kan ai dara walan witin Idsip waitnika ikan ba, upla nani pat tânka brin sa.

Miqueas 6:8

Dawan bui man ra pat mai win, dîa ba yamni daukaia tânka bara dîa man wina bîla kaiki ba. Bamna naha pali sika, man daukaia witin mamkabi yaba: kasakka lâka daukma, kupia pihni lâka ba, latwan kaikma, bara Gâdkam mawanra bawikira kaia sma.

Luk 12:13

Upla nani tila ba wina kum Jisas ra naku win: —Smasmalkra, muihki ra wis, aisiki dukia kan ba wina dîa aikaia kan ba aikbia.

Luk 22:58

Wiria ningkara, wala kum bal kaiki, wisata: —Man sin baha nani wina kum sma. Sakuna Pita bila: —Apia, yang baha apia sni.

Luk 5:20

Baha nani kasak lukanka ba Jisas mita kaikan, bara siknis waitnika ra win: —Waitna, man saurkam nani ba sut swih tikan sa.

Jan 6:15

Sakuna Jisas kaikan baha uplika nani mita witin ba priski bri si king mangkaia kan bamna, witin yakan mahka taki wan, il ba purara.

Jan 8:11

Mairin ba bila: —Apia, Dawan, upla kumi sin pât ra ai dingkras. Pana Jisas win: —Bamna yang sin pât ra mai dingkras sni; nanara mahka was, kuna kli saura yapara.]

Roman 2:1

Bahamna, man mita upla wala lâka aisi daukisma kaka, dîa sât uplika kama sin pâtkas kama apia. Upla wala lâka aisi daukisma ba mita, man lika yakan pâtkira pali takisma, kan upla wala dîa dauki ba man pali sin daukisma.

Roman 2:3

Bara man mita upla wala lâka daukisma, kan man sin upla wala dauki baku daukisma bamna, ¿man lukisma Gâd lâ dauki ba wina swak takma?

Roman 9:20

Bara man, upla, ¿man ba ya sma Gâd mapara unsabaisma ba? ¿Slaubla dakawa bui ai papaskra ra sip sa ki wiaia: “Dîa kan naku pali ai paskram?”