Luk 11:8 - DAWAN BÎLA AISKA

⁸ Yang bui man nani ra mai wisna, witin bubia apia diara kumi sin yaia apia dukiara, sakuna ban witin mita want wibia ba sut yabaia, kli kra trabil munbia apia dukiara.

Luk 11:8 ပူးပေါင်းရင်းမြစ်များ

Blasi Sturka 32:26

Bara waitnika bui witin ra win: —Ai swis, pat lalma kahban bamna. Sakuna Jekob pana witin ra win: —Yang mai swimna apia, man yamnikam aikras sma kaka.

Luk 11:7

Yang kasak nu sna utla bilara ba baha luki pana wibia apia: ‘Man bui yang ra trabil ai munpara; dur ba pat prakan sa bara luhpi nani sin yang wal krikri ra sa, bamna yang bui man ra diara kumi sin maikaia sip apia sna.’

Roman 15:30

Muihki nani, yang bui man nani ra mamkabisna wan Dawan Jisas Kraist ba tânka bara Spirit wina latwan lâka wanki ba dukiara sin, aiklabanka ra yang wal asla taki kama, bara yang maita sin Dawan ra puram sunma.

2 Korint 12:8

Baha latwan brisna ba wîni wina sâkbia dukiara, Dawan ra aima yumhpa makabri,

Kolosi 2:1

Bamna brinki sa, aiklabanka tara brisna ba tânka brima, kan baha ba man nani dukiamra bara Leodisia ra iwi nani ba sin, bara yang wîni tara latan kaikras nani ba sut dukiara sin.

Kolosi 4:12

Epafras, Jisas Kraist napakanka kum man nani tilam wina ba, ai lakula blikisa. Witin ai pura sunra bâk upla sut dukiara uya makabisa, man nani ba pain bapi bûi kama, bara Gâd kupia lâka daukaia wilin pali nani kama.

Wihta Nani 14:17

Sakuna wik kum lilia dauki kan yua ba sut mairin ba Samson lamara iwi, baha sturka ba makabi wali kan, taibi pali makabi wali kan ban wik kum kat, bara Samson witin ra ban win. Bamna mairin ba wan bara sturka ba ai uplika nani ra win.

1 Samuil 1:12

Ana ba baku yari pali Dawan ra ai pura suni kan ba ra, Elí lika ai bîla kat aman kaiki kan;