Luk 11:4 - DAWAN BÎLA AISKA

⁴ Yang nani saurki nani ba ban swih tiks, wan mapara saura dauki uplika nani ra yang nani mita saurka tikisna ba baku. Wan traika kaikan mihta ra ban wan swipara.’

Luk 11:4 ပူးပေါင်းရင်းမြစ်များ

Blasi Sturka 48:16

bara insalka diara saura nani sut yang ra aula ba wina swaki ai saki ba, witin nani ba mita naha tukta nani ra yamni munbia. Tukta nani na tâka mita yang nini ba upla sut kau ban luki kabia, yang aisiki nani Ebraham, Aisak nina ba sin, witin nani ai luhpia nani ailal bribia bara tasba ra daknika tara nani takbia.”

1 King Nani 8:34

kasbrika pura ba wina witin nani ra wali kama, bara ai saurka nani ba ban swih tikma, bara kli yarka ai damika nani ra yaram tasbaya ra tawi balbia.

1 King Nani 8:36

kasbrika pura ba wina man wali kama, bara man albikam nani bara uplikam Israel luhpia nani saurka ba ban swih tikma. Yabal yamni ba mariki kama, bara witin nani bahak impaki tauki kabia, bara ai tasbaya purara lî yama, man bui witin nani ra yaram ba, ai almukka nani tasbaya ra.

Lawana Nani 121:7

Dawan diara saura sut wina yamni mai bri kabia; man rayakam sin witin kaina kahbisa.

Lawana Nani 25:11

Dawan, yang saurki ba tara pali sa; yang saurki ba ban swi tiks.

Lawana Nani 25:18

Yang sari sna, wark nani brisna ba kaiks, bara yang saurki wina sin klir ai sâks.

Daniel 9:19

¡Dawan, Dawan! ¡Yang nani ra wali, wan pâtka ba ban swih tiks! ¡Dawan, kiamam ba yang nani ra laki wali bara bal hilp wan muns! ¡Gâdki, man ninam ba tâwan, tawankam ba dukiara bara uplikam nani dukiara sin, man ninam mâki wisa, bamna kau takaskpara!’

Oseas 14:2

Man nani lika Dawan ra kli tawi bal, bara naku witin ra puram suns: “Yang nani watawi daukri ba sut ban ai kulkpara, bara man ra mamyuni makabi puri suni banhwisna na, kupiam yamni lâka ra bris.

Matiu 18:35

Bara Jisas naku aisi tnata alkan: —Baku sin Aisiki kasbrika purara ba man nani ra mai munbia, kumi bani muihkam ra kupiam aiska ni traska ban swih tikras sma kaka.

Matiu 26:41

Aihwaki puram suni bas, traika kaikan ra kauhmara sîa. Kasak pali, spiritkam ba wilin sa, sakuna wînam ba lika swapni sa.

Luk 11:5

Jisas naha sin kau win: —Yawan ban wibia kaka, man nani wina kumi ba ai uplika ra wibia brit kum brisma, bara tihmia wâl bakriki baha watla ra wih wisa: ‘Upliki, pliskam yang ra brit yumhpa lin ai muns,

Luk 13:4

Apia kaka Siloé tawerka kauhi upla 18 ikan ba, ¿man nani lukisma baha uplika nani ba kau upla saura nani kata Jerusalem tawanka tilara?

Luk 22:46

Bara witin bila: —¿Dîa kan man nani yapisma ki? Man nani bus, puram sin suns, traika kaikan ra kauhmara sîa.

Luk 8:13

Saumuk mâ nani walpa nani tilara kauhan ba lika upla nani sturi yamni ba wali, liliakira brisa, sakuna ai wakia pain briras, piu wiria baman kasak lukuya, kuna traika kaikanka aula ba ra, mahka tnaya ra tawuya.

Jan 17:15

Naha tasba wina mahka sâkma dukiara lika mamkabras, sakuna dibil ba wina dakbi sâkma.

1 Korint 10:13

Man nani traika kaikanka nani brisma ba lika, upla wala nani bri ba wal sim baku sa. Kan Gâd lika kasak sa, bara man nani wahwaia sip sma ba purkara kau traika kaikanka nani maikbia apia. Sakuna, traika kaikanka bri banhma ba ra, Gâd mita baha ba wina swak takaia karnika sin maikbia, bara baku sip kama baha ba twilkaia.

Kolosi 3:13

Kumi wala mapara kupiam alki takaski pana pana swakwankam ba swih tiki bas, upla kumi ai walka mapara diara brisa kaka, Dawan mita pâtkam swih tikan ba baku, man nani sin pana pana baku dauki bas.

2 Tesalonaika 3:3

Sakuna Dawan lika kasak sa, bara witin mita man nani ba karna mai daukbia bara saura ba wina main mai kaiki kabia.

2 Timoti 4:18

bara witin sin saurka sut wina dakbi ai sâkbia bara kasbrika purara ba ai kingka lâka bara swaki ai saki ai brih wabia. ¡Witin ra prana ba yaban kabia, ban kaia ban kaia ra! Baku kabia.

Jems 2:13

Kan ya ya ai uplika ra umpira kaikras kaka, witin ra sin umpira kaikras kira ai lâka daukan kabia; sakuna ani uplika umpira kaikan lâka bri kan kaka, lâ daukbia yua ra witin mita pura lubia.

Param Marikanka 2:10

Pât wahwaia sma ba si bripara; kan man nani tilam wina kum kum ba dibil mita silak ra mangkbia, sut traikam kaikaia dukiara; bara yu matawalsip man nani pât wahwaia kama. Bamna pruma ba kat kasak bas, bara yang raya kaia kraunka ba maikamna.

Param Marikanka 3:10

Ban bapi buaia lâika ba ban bri kapram, baha ba mita tasba aiska ra trabil balaia piua ba wina ban pain mai bri kamna; baha trabilka ba lika tasba ra iwi uplika sut ra traika kaikbia sa.