Luk 11:2 - DAWAN BÎLA AISKA

² Jisas bila witin nani ra: —Man nani puram sunma ba ra, naku wis: ‘Aisa, ninam holikira ba kulkan kabia. Man king aimakaia ba yarka balbia.

Luk 11:2 ပူးပေါင်းရင်းမြစ်များ

1 King Nani 8:43

Man kasbrika purara ba wina walma, iwaikam ba wina. Bara tringsar nani dîa mangkbia ba kat dauki yama, baku ba ra tasba aiska ra iwi uplika nani ninam ba kakaira takbia, bara sibrinkam sin bribia, tawankam Israel luhpia nani baku baha tânka bribia. Bara tânka bribia, man ninam naha tempelka watla ra yang bui maikri ba ra mayuni ba.

2 King Nani 19:19

Bamna nanara, yang nani ra Dawan wan Gâdka, nanara swaki wan sâks karnikam ba ni witin nani mihta ba wina, bara king tasbaya nani sut ba kaikbia man baman Dawan Gâd sma ba.”

2 Kronikas 20:6

bamna naku winan: “Dawan, wan damika nani Gâdka, man sika kasbrika purara ba Gâdka, man nisan nani tâ brih wapisma, man mihtam ra sa karnika ba, upla kumi sin man mampara buras.

Lawana Nani 103:20

¡Dawan ba yamni pali sa, insal karnakira nani, mayuns! Man nani ai adarka kat daukisma ba, ai bîla wali daukisma nani ba.

Lawana Nani 108:5

Dawanki, man kasbrika pura nani ba kat lui waram sa; ¡man pramna ba tasba aiska ba banhkisa!

Lawana Nani 11:4

Dawan ai tempelka holikira ra bâra sa. Dawan, witin ai iwaika kasbrika purara bri ba, witin ai nakra nani aman param, kasak aihwaki kaikisa upla nani ra.

Lawana Nani 57:11

Gâdki, man sika kasbrika purara ba wina kau purara sma. ¡Man pramna ba tasba aiska ba banhki takan!

Smasmalkra 5:2

Aihni daukpara, bîlam wal sin apia, lukankam wal sin apia, Gâd ra pramis takaia wipara, kan witin ba kasbrika purara sa, man lika tasba ra sma bamna. Baha mita, man sturi wiria baman aisas, dîa sip sma ba kat.

Aiseya 63:16

¡Man sika yang nani aisiki! Ban kra, Ebraham yawan wan kaikras wibia kaka, Israel sin yawan ra wan lukras kabia kaka, man, Dawan, man sika wan aisika; patitara wina man sika, yang nani sasakriki.

Isikiel 36:23

Yang, nisan nani tilara marikaisna, nini holikira tara ba tânka, man nani sauhkram ba witin nani tilara; yang daukamna ba ra, witin nani ai dahra walbia yang sika Dawan sna ba. Yang, Dawan, kasak aisisna.

Daniel 2:28

Sakuna kasbrika purara Gâd kumi bâra sa, upla nani diara tânka briaia sip apia ba param sakisa, bara naika dîa takaia ba king mita man ra pat mamrikan sa, bara man yapi kapram bara yaprisauhkan ra diara aihka nani kaikram tânka. Bara nanara mai wiaisna,

Daniel 2:44

Baha kingka nani dauki yua nani ra kasbrika purara Gâdka ba king lâka kum bukbia bara ban kaia ra sauhki tikan kabia apia, nisan wala kumi mita sin pura lubia apia, ban sakuna, king lâka wala nani sut ra pura lubia, bâra ban kabia ban kaia ra.

Daniel 7:18

Sakuna baha ningkara, king lâka Gâd Laih Purara iwi ba uplika nani mihta ra mangkan kabia, bara ai dukia kabia ban kaia ra.’

Daniel 7:27

King lâka, karnika bara prana lâka naha tasba aiska kingka lâka ba sut Gâd Laih Purara iwi ba uplika nani ra yan kabia, ai king lâka ba ban kaia ra ban kabia sa, naha tasba uplika nani sut bui ai dukia dauki kabia, bîla sin wali kabia.’

Oseas 14:2

Man nani lika Dawan ra kli tawi bal, bara naku witin ra puram suns: “Yang nani watawi daukri ba sut ban ai kulkpara, bara man ra mamyuni makabi puri suni banhwisna na, kupiam yamni lâka ra bris.

Libait Lâka 10:3

Baha ningkara Moses naku win Eran ra: —Naha sika Gâd mai wiaia ai win kan ba, naku win ba ra: ‘Yang laimara aula ba uplika nani ra marikamni holiki lâka ba, bara Israel luhpia nani sut ra yang praina ba marikamni.’ Bara Eran diara aisaras sâp kan.

Libait Lâka 22:23

Prisantkam man kupiam lâka bîp kum sîp mina ba skahwa kabia kaka, yang brimna apia.

Abakuk 2:14

Bâra mika Dawan prana tânka kaikaia sinska lâka ba tasba aiska ra banhwan kabia, kabu ra lî aibanhwan ba baku.

Matiu 10:32

“Upla kum kra yang daihra upla nani mawanra latan aisabia kaka, yang sin Aisiki kasbrika purara ba mawanra ai dahra latan aisamna.

Matiu 3:2

ai smalkanka ra aisi kan: “¡Man nani kupiam laks, kan Gâd king aimaki lâka ba pat baila sa bamna!”

Matiu 5:16

Baku sin, man nani yarka ingnikam upla sut mawanra ingbia, bara diara yamni dauki banhwisma ba kaiki, witin nani mita kasbrika purara bâra ba mayunbia.

Luk 11:1

Yu kumi Jisas plis kum ra ai pura suni kan. Witin ai pura suni luan ba ra, disaipil nani ba tila wina kum mita naku win: —Dawan, pura sunaia wan smalks, Jan ai disaipilka nani ra smalkan ba baku.

Roman 1:7

Bahamna man nani Rom ra iwi banhwisma ba sut ra mai ulbisni, Gâd latwan kaiki mai paiwan ba, witin bui ai uplika holikira kaia dukiara. Gâd wan Aisa bara Dawan Jisas Kraist mita yamni mai munbia bara kupia kumi lâka sin maikbia.

Roman 8:15

Bamna Spirit man nani briram ba lika alba kaia spiritka apia sa kli sibri kaia; sakuna Spirit kumi Gâd luhpia wan dauki ba sika briram ba. Bara naha sim Spiritka na mita sika yawan wini ba: “¡Yang Aisiki!”

1 Korint 1:3

Gâd wan Aisa bara Dawan Jisas Kraist mita sin, man nani ra yamnika nani bara kupia kumi lâka sin maikbia.

2 Korint 1:2

Gâd yawan wan Aisa wina bara Dawan Jisas Kraist wina sin ai kupia yamni lâka ba, ai kupia kumi lâka ba man nani puramra laikbia.

Galesha 1:4

Kraist sika yawan wan saurka dukiara ai wîna tara aiska ba prura mihta ra mangkan, Gâd Aisa kupia lâka ba kat, naha tasba saura na wina pri wan sakaia.

Epesus 1:2

Gâd wan Aisa bara Dawan Jisas Kraist wina, yamnika nani bara kupia kumi lâka ba man nani bri kama.

Pilipai 1:2

Man nani, wan Aisa Gâd bara Dawan Jisas Kraist wal wina, yamnika nani bara kupia kumi lâka sin bri kama.

Pilipai 4:20

Wan Gâdka ra bara Aisa ra mayunan kabia, ban kaia ban kaia ra. Baku kabia.

Kolosi 1:2

naha wauhkataya ulbisna, Kolosi tawanka ra Gâd uplika nani bara Kraist ra kasak luki nani bahara iwi banhwi ba sut ra. Gâd wan Aisa mita ai kupia yamni lâka bara kupia kumi lâka sin man nani puramra blîkbia.

1 Tesalonaika 1:1

Yang Pal, Silvano bara Timoti aikuki Tesalonaika tawanka sertska ra wan muihni nani bâra ba, naha wauhkataya na ulbisna, witinka nani Gâd Aisa wal asla ba bara Dawan Jisas Kraist wal sin. Gâd ai yamnika bara ai kupia kumi lâka man nani puramra laikbia.

1 Tesalonaika 1:3

Gâd wan Aisa mawanra kupi kraukisna, man nani nahki kasak lukan lâka wal wark takram ba, nahki latwan lâka wal wark daukram ba, bara nahki pali sin kainamra diara bîla kaikanka lâka ba Dawan Jisas Kraist kat ban bapi brisma.

2 Tesalonaika 2:16

Wan Dawan Jisas Kraist pali mita bara Gâd wan Aisa, witinka ai yamnika ra latwan wan kaikan ba, ban kaia ra maisa nihkra wankan ba, bara bîla kaikanka yamni kum sin wankan sa,

Param Marikanka 11:15

Insal matlalkahbi pura kumika ba ai trumpitka puhban, bara kasbrika pura ba wina bîla baikra tara nani wali banhwan. Baha nani naku aisi kan: “Naha tasba kingka lâka ba nanara wan Dawan dukia sa, ai Kraistka dukia sin, bara witin ban kaia ra king aimaki kabia.”

Param Marikanka 15:4

Dawan, ¿ya man ra sîam briras kabia? ¿Ya sin man ra mamyunras kabia? Kan man baman sika holikira, bara nisan nani sut bal man ra ai pura suni mamyunbia, daukankam kasak nani ba upla sut mita kaikan bamna.”

Param Marikanka 19:6

Upla ailal bîla baikra baku sin walri, lî aubra binka baku, alwani nani karna binka baku sin. Baha nani naku aisi kan: “¡Dawan nina mayunan kabia! Kan Dawan ba wihta aimakaia lâka ba bukan sa, wan Gâdka karnika sut bri ba.

Param Marikanka 20:4

Bara yang lika king iwaika nani kaikri, baha nani purara iwi nani kan ba sin; witin nani ba lâ daukaia karnika brin kan. Bara yang kaikri baha nani Jisas witniska taki kan bara Gâd sturka yamni ba tâwan, lal dakban sulka nani ba sin. Witin nani lika daiwan saura nani lilka ra sin ai pura suni mayunras kan, baha markka sin ai lal purara bara ai mihta ra yan mangkras kata. Yang kaikri naha nani kli raya takan, bara Kraist wal mani 1,000 king aimakan.