Luk 10:24 - DAWAN BÎLA AISKA

²⁴ Kan yang bui man nani ra mai wisna, prapit ailal bara king ailal sin kaikan dauki kan, naiwa man nani namkra ni kaikisma dukia nani na, sakuna witin nani kaikras kata; baha nani sin walan dauki kan naiwa man nani walisma na, sakuna walras kan.”

Luk 10:24 ပူးပေါင်းရင်းမြစ်များ

Matiu 13:16

“Sakuna yamni pali sma man nani, kan namkra ni kaikisma, kiamam ni sin walisma bamna.

Luk 10:23

Bara witin ai disaipilka nani ra tawi kaiki, baha nani ra baman naku win: “Yamni pali sa baha nani man nani kaikisma dukia nani, witin nani ai nakra ni kaiki ba.

Luk 10:25

Lâ Smasmalkra kum Jisas ra wan, wal aisi bâk traika kaikaia, bara makabi walan: —Smasmalkra, ¿dîa yamni daukamna kaka, yang sip kamna raya ban kaia lâka ba briaia?

Jan 8:56

Man nani damikam Ebraham ba, yang ra ai kaikaia kan ba ai kaikan baha mita lilia ni aibanhwan kata.

Hibru Nani 11:13

Witin nani sut Gâd mita diara nani pramis munan kan ba briras ban prui banhwan; sakuna kasak lukan lâka bri nani kan bamna, dukia nani ba laih wina kaikan, bara kasak luki, ai âuyapah pali lakula win. Baku ai tânka ba latan saki aisi kan, witin nani ba naha tasba ra tringsar nani bara impapakra nani kan ba.

Hibru Nani 11:39

Baha nani sut kasak lukan lâka bri kan ba mita aitani kulki kan sakuna, Gâd mita pramis daukan kan dukia ba briras;