Luk 1:78 - DAWAN BÎLA AISKA

⁷⁸ Wan Gâdka, ai kupia swapni lâka ra umpira wan kaikan bamna, witin yu raya baiwan baku pura wina lapta ba wan blîkbia,

Luk 1:78 ပူးပေါင်းရင်းမြစ်များ

Lawana Nani 25:6

Dawan, man kupiam latwan lâka bara kupiam swapnika piu bani wan marikisma ba, baha man ban luki bas;

Aiseya 11:1

Jesé plamaika ba wina, tnawa kum bal takbia, wakia nani ba wina sin tnawa urhwi takbia.

Aiseya 42:16

Bara blain nani ba witin nani kakaira apia, yabalka bâk tapahkamna, witin nani ai mawanra tihmia tara ba ingni daukamni, bara pruamni ba langni daukamna. Baha dîa daukaia aisisna ba kat daukamna.

Aiseya 63:15

Dawan, kaiks, kasbrika pura wina, man iwaikam holikira pranakira ra iwisma ba wina. ¿Anira sa man bui yawan ra latwan pali wan lukisma ba tânka, bara karnikam ba sin? ¿Anira sa man kupiam lukanka mununhta wina kupiam pinhka lâka nani ba yang nani dukira brisma ba? ¿Man umpira kaikan lâka brisma ba danh takan ki yang nani wal?

Aiseya 63:7

Yang aisan ai daukisa Dawan latwanka lâka ba, ai mayunra nani ba aiwanaia witin ai yamnika tara nani sut wan hilpka daukan ba, witin ai kupia yamnika tara pali Israel luhpia nani sut ra bri ba, ai kupia yamni luki witin nani ra daukan ba, witin mita latwan kaiki ba lâka kat.

Sakaraya 3:8

Jasua, prîs tara, aman pali wals, prîs wala nani ba sin naha na walaia sa, kan man nani sut naika yang duki dadaukra Urhwi Takaia ba lilka kum sma.

Sakaraya 6:12

Witin ra wis: ‘Dawan, karnika sut bri ba kasak aisisa, baha waitna nina Urhwi Takaia mâkan ba, witin ai wakia wina pâwi taki, Dawan tempelka ba witin kli mâkbia.

Malaquía 4:2

Sakuna man nani tara ai kulkisma ba, yang kasakki tânka ba man nani ra yu ingnika ingwi ba baku kabia; baha ingnika ba wina wînam tara yamnika maiki kabia, man nani liliam puli srutwi kama, bîp lupia nani klar wina sakan srutwi puli ba baku.

Kulki Kaikanka 24:17

Naika diara takaia ba kaikisna, diara kaikisna, sakuna kau laihura pali sa: Jekob wina takaia slilma kum lakwisa, Israel luhpia nani tilara king kum aula. Moab lal ba dakbia, Set kiamka nani ba sut ai mina ra taibia.

Jan 3:16

“Bamna Gâd tasba ra uya latwan kaikan, bara witin mita ai Luhpia kumi baman bri kan ba yan; bara baku mika ani uplika witin ra kasak lukbia ba, sut pali tanis tiwbia apia, sakuna raya ban kaia lâka ba bribia.

Epesus 5:14

Bahamna naku wisa: “Man yapisma ba, mahka rawi bus; pruan nani tila wina sin mahka raya taki bus, bara Kraist man puramra ingbia.”

Pilipai 1:8

Gâd pain kaikisa, yang bui Jisas Kraist latwanka lâka swapnikira bri ba ni, man nani ra latwan mai kaikisna ba.

Pilipai 2:1

Baku bamna, Kraist mita man nani ra tâm baikisa kaka, witin latwanka lâka mita maisam nihkisa kaka, ai Spiritka ba sin man nani wal sa kaka, uplikam ra kupiam pihni brih bara latwan kaikisma ba pain daukisma kaka,

Kolosi 3:12

Gâd lika man nani ra latwan mai kaikisa, baha mita witin bâk mai sakan, ai uplika mai briaia. Baku ba mita, naha sât prâka na dims: umpira kaikan lâka, latwan kaikan lâka, bawaia lâka, praut âpu lâka bara wihka bîla kaikaia lâka ba sin.

2 Pita 1:19

Naha sika prapit nani mita smalkanka ba kau karna dauki ba. Man nani baha smalkanka ba uya pain walisma. Lamp kumi tihmu pliska kumi ra ingwi ba baku sa smalkanka ba, yu baiwka, titan slilmika ba kupiam nani ra dimi ingbia kat.

1 Jan 3:17

Yuya bri uplika kum kra ai muihni kum diara want pali kan kaikisa, sakuna witin baha dukiara sari lukras kaka, ¿nahki sip kabia witin ai kupia ra Gâd ra latwan kaikan lâka ba bri kaia?

Param Marikanka 22:16

“Yang Jisas, insalki blikri sa, serts nani ra naha sut param saki wiaia. Yang sika king Debit plamaika bara kiamka ba; yang sika titan slilmika ingnikira ba.”