Luk 1:59 - DAWAN BÎLA AISKA

⁵⁹ Yu 8 alkan piua, witin nani aidrubi balan tukta luhpia wîna ra Aisa sainka daukan, bara nina ba sin Sakaraya mâkaia luki kan.

Luk 1:59 ပူးပေါင်းရင်းမြစ်များ

Blasi Sturka 17:12

Naiwa wina man nani naku dauki kama: luhpiam waitna kumi bani man nani wamtla bilara aisubi taki ba, man nani wal yang lâ daukisna ba ni ai wîna ra klaki kabia yu 8 alkbia ra, bara albikam man nani kiamkam apia, upla sât wala wina atki briram ba, baha nani sin lâ daukan na ba ai wîna ra klaki kaia sa.

Libait Lâka 12:3

Tuktan aisuban ba wina yu 8 alkbia ba ra, Aisa sainka daukbia.

Luk 2:21

Yu 8 alkan ba ra, tukta lupia ra Aisa sainka daukan, nina sin Jisas mâkan. Baha pali nina ba insal mita Meri ra mâkbia win, kau witin kwihra tiwras kan ba ra.

Apastil Nani Sturka 7:8

Baha ningkara Gâd mita Ebraham wal lâ kum daukan, bara baha lâka aisin tukinka ba yan. Baha mita sika Ebraham mita Aisak baikan bara yu 8 alkan ba ra, Aisa sainka daukan. Aisak sin ai luhpia Jekob ra baku daukan, bara Jekob ai luhpia 12 nani ra sin Aisa sainka daukan. Witinka nani sika Israel kiamka 12 nani aisika nani kan ba.

Pilipai 3:5

Kan yang lika ai baikan wik kum alkri ba ra, Aisa sainka ba ai daukan. Yang na Israel kiamka, Benjamín taika wina; aisubi takri Hibru sna, bara aisiki nani ba Hibru sa. Ju nani lâ bri ba kat yang na parisi katna;