Luk 1:36 - DAWAN BÎLA AISKA

³⁶ Bara man tamya mairin Elisabet sin luhpa waitna kum baikbia, witin almuk pali sa kuna. Upla biarapara wi kata ba, kaiks nanara pat kwihra tiwan kati 6 brisa.

Luk 1:36 ပူးပေါင်းရင်းမြစ်များ

Blasi Sturka 11:30

Sakuna Sarai ba biarapara, luhpias kan.

Blasi Sturka 16:1

Sarai ba sip Ebram ra luhpia baiki yaras kan. Sakuna witin ai albika mairin kumi bri kan, mairka ba Idsip wina kan, nina ba Agar.

Blasi Sturka 18:11

Ebraham pat dama pali kan bara Sara sin kuka pali. Sara ai katka sikniska sin briras pat takaskan kan.

Blasi Sturka 21:2

Bara baku Sara kwihra tiwan, Ebraham pat almuk pali takan kan ba ra, witin ra ai luhpia waitna kumi baiki yaban. Tukta ba baikaia piua ba, Gâd mita win piua ba kat baikan.

2 King Nani 4:17

Sakuna Ilaidsa dîa win ba kat takan, mairin ba baha manka kwihra takan, bara ai luhpia waitna kum baikan.

Smasmalkra 3:2

Aisubaia piua bâra sa, pruaia piua sin. Mangkaia piua bâra sa, mangkan ba dâkaia piua sin.

Luk 1:35

Pana insal ba bila: —Spirit Holikira ba man puramra balbia, bara Gâd Laih Purara ba karnika kasbrika baku mamdiskbia. Baha mita, man wina tukta holikira aisubi takaia ba lika Gâd Luhpia mâkan kabia.

Luk 1:37

Gâd mapara sip apia dukia âpu sa.

Luk 1:5

Herod Judia kingka aimaki kan ba ra, prîs kum bâra kan nina Sakaraya, witinka Abías kiamka kata. Ai maya nina lika Elisabet, witin sin prîs Eran kiamka kan.

Hibru Nani 11:11

Âu Sara luhpa nani baikaia sip apia kan bara Ebraham sin pat almuk pali takan kan sakuna, kasak lukan lâka ba mita, aisika takaia karnika ba witin brin, kan Gâd ai pramiska kat daukaia witin ra win ba kat kasak lukan bamna.