Luk 1:32 - DAWAN BÎLA AISKA

³² Witin lika tara pali kabia; Gâd Laih Purara iwi ba Luhpia mâkan kabia, bara Dawan Gâd ai damika Debit baku king mangkbia,

Luk 1:32 ပူးပေါင်းရင်းမြစ်များ

2 Samuil 7:16

Yang distiki ra man pali kiamkam ba kingkam lâka ba sin ban kaia ra karna kabia, king iwaikam ba sin ban kaia ra bapi bûi kabia.’ ”

Lawana Nani 132:11

Dawan bui Debit ra swer aisin ba kasak tânka kat sa, naha pramiska aisin na, ai bîla lakbia apia:

Lawana Nani 132:12

“Man kiamkam nani ra king iwaika ba yabamni. Man luhpiam nani, yang lâika ba daukbia kaka, bara yang lâika nani smalkaisna ba, witin luhpia nani sin, ban kaia ra man king aimakisma ba iwaika ra iwi kabia.”

Aiseya 16:5

King iwaika ra Debit kiamka wina kum iwbia. Wihta kasak kabia witin bui upla lâka dauki ba ra, lâ kasak daukbia tânka sin pliki, bara kasakka lâka ba daukbia aihni sin lâ nani ba dauki kabia.

Jirimaya 17:25

Man nani baku daukma kaka, piu bani king nani bâra kabia Debit iwaika bâra iwi kaia, waginka nani ba araska nani ba prana dauki uli bal tawan getka nani bâk dimi kabia, wihta tara nani ba sin witin nani aikuki, bara Juda uplika Jerusalem uplika nani sin aikuki tauki kabia. Jerusalem ra sin upla ailal bâra ban kabia.

Jirimaya 22:2

Juda kingka mawanra bûi, Debit iwaika ra iwi ba wihta tara nani ba mawanra sin, upla nani tawan ra ba sin wali kaka aisas:

Daniel 2:44

Baha kingka nani dauki yua nani ra kasbrika purara Gâdka ba king lâka kum bukbia bara ban kaia ra sauhki tikan kabia apia, nisan wala kumi mita sin pura lubia apia, ban sakuna, king lâka wala nani sut ra pura lubia, bâra ban kabia ban kaia ra.

Matiu 1:1

Naha sika Jisas Kraist damika sturka ulban ba, witin ba Debit bara Ebraham kiamka ba.

Matiu 12:42

Waupasa kwinka ba sin lâ daukaia yua ra, naha uplika nani lâka daukbia bamna, witin bubia, naha uplika nani ra pât ra lakbia, kan witin lika tasba laih wina balan Salaman sinska tara bri ba walaia, bara yang bui man nani ra mai wisna, nahara diara kum sa Salaman purkara kau tara ba.

Matiu 28:18

Bara Jisas witin nani lamara bal, naku win: —Karnika sut yang ra aikan sa, kasbrika purara bara tasba ra.

Matiu 3:11

Kasak pali mai wisna: yang lika lî ni baman tahbi mai daukisna, saurkam nani wina kupiam laki Gâd ra balaia; sakuna yang ninira wala kum aula ba lika Spirit Holikira ni bara pauta ni sin tahbi mai daukbia. Witin ba yang purkira kau karnika brisa, ban tara bamna, witin ai sûska nani twilkaia sin yang aitani apia sna.

Mark 14:61

Sakuna Jisas sâp kan, pana diara aisaras kan. Prîs wihtka kli witin ra naku makabi walan: —¿Man ba Misaya sma ki, Gâd yamni pali ba Luhpia?

Mark 5:7

Bara ai bîla baikra tara ni wini, aisin: —¡Yang tilira dimpara, Jisas, Gâd Laih Purara iwi ba Luhpia sma ba! ¡Gâd nina mâki mai wisni, yang ra rau ai sauhkpara!

Luk 1:15

Luhpiam waitna ba lika Dawan mawanra tara pali kabia. Witin wain dibia apia, laya saura sâtka kumi sin apia, bara witin kau aisubi takras piua ba wina, Spirit Holikira ni aibanhwan kabia.

Luk 1:35

Pana insal ba bila: —Spirit Holikira ba man puramra balbia, bara Gâd Laih Purara ba karnika kasbrika baku mamdiskbia. Baha mita, man wina tukta holikira aisubi takaia ba lika Gâd Luhpia mâkan kabia.

Luk 1:76

Bamna man, luhpi lupia, Gâd Laih Purara iwi ba prapitka mai mâkan kabia, kan Gâd kainara yabalka nani ba man mita ridi dauki wama,

Luk 3:16

Sakuna Jan baha nani sut ra wisata: “Kasak pali, yang lika upla ra lî ni baman tahbi daukisna; sakuna kum aula, witin lika upla ra tahbi daukbia Spirit Holikira ni, pauta ni sin. Yang wal witinka ba kau karnika brisa bamna, ai sûska awa pan lanhkaia aitani apia sna.

Luk 6:35

Sakuna man nani lika waihlam nani ra latwan kaikaia sma, yamni sin munaia, bara diara lin munisma kaka, kli briaia bîla kaikpara. Baku lika mamna tara brima, bara Gâd Laih Purara iwi ba luhpia nani kama, kan witin lika latwankira sa, tingki lukras nani bara saurakira nani mapa ra sin.

Jan 12:34

Bara upla nani ba mita pana win: —Lâ wauhkataya wina yang nani kaikisna Misaya ba lika ban kaia ra raya kaia sa. ¿Bamna nahki man wisma, Upla Luhpia Waitna ba purara bukan kaia sa? ¿Baha Upla Luhpia Waitna ba ya sa ki?

Jan 6:69

Yang nani pat kasak lukri bara sin kaiki banhwisna, man ba Holikira, Gâd wina sma.

Apastil Nani Sturka 16:17

Naha tuktan mairin na mahka Pal bara yang nani ninira wapi wini, ban aisi, win: —¡Naha waitna nani na lika Gâd Laih Purara iwi ba dukia dadaukra nani sa, man nani ra sin maisam pakisa swaki sakan yabalka ba dukiara!

Apastil Nani Sturka 2:30

Ban sakuna, Debit lika prapit kum kata. Bamna witin pain pali kaiki kan, Gâd swer taki kira witin ra pramis munan tânka ba, nahki ai kiamka ba wina kumi ai iwaika ra iwbia.

Apastil Nani Sturka 2:36

“Israel nisanka ba sut naha diara na dukiara pain ai dara walaia sa: Baha sim Jisaska man nani dus ra sabi ikram ba, Gâd mita witin ba Dawan bara Misaya sin mangkan sa.”

Apastil Nani Sturka 7:48

Ban sakuna, Gâd Laih Purara iwi ba, witin lika upla ai mihta ni paskan watla sâtka ra dimi iwras. Prapit aisin ba baku:

Param Marikanka 3:7

“Filadelfia sertska insalka ra sin ulbi wis: ‘Naku wisa witinka holi bara kasakkira ba, king Debit kî mihta bri ba; witin dur ba kwâkuya ba ra, upla kumi mita sin sip prakras; bara witin prakuya ba ra, upla kumi mita sin sip kwâkras ba: