Luk 1:22 - DAWAN BÎLA AISKA

²² Baku bamna, Sakaraya bal takan, sakuna upla nani ra sip diara aisaras, ai mihta baman wauhi sain baman dauki kan. Bara baha nani kaikan witin ba tempel holi pali pliska ra diara aihka kum kaikan.

Luk 1:22 ပူးပေါင်းရင်းမြစ်များ

Isikiel 3:26

Baha purkara yang mita daukaisna man twisam ba darkayam ra prawbia, bara sturi aisaras kama. Man sip smalkma apia, tawan kum mapara babura kabia sin.

Luk 1:21

Baku kan ba ra, upla nani latara Sakaraya bîla kaiki kan ba aihka naku lukan: “¿Nahki kan witin ban piua wihka tempel ra takaskisa?”

Luk 1:23

Bamna Sakaraya tempel ra wark daukaia piua nani tnata alkan ba ra, mahka ai watla ra wan.

Luk 1:62

Baku bamna, witin nani aisika ra sain dauki makabi walan, nina ba dîa mâkaia lukisa sapa.

Jan 13:24

bamna Saiman Pita mita baha disaipilka ra sain dauki win, makabi walbia ya pali dukiara aisi sapa.

Apastil Nani Sturka 12:17

Sakuna Pita ai mihta ni sain munan sâp kabia, bara maisa pakan nahki Dawan mita witin ba silak watla wina sakan tânka ba. Bara witin nani ra win: —Naha diara na Jems ra maisa paks bara wan muihni nani ra sin. Ningkara witin taki, plis wala ra wan.

Apastil Nani Sturka 19:33

Baha aidrubanka tilara upla tila nani bâra kan ba mita tânka ba param Alejandro ra win, bara Ju nani tila mita witin ba platukbi upla nani mawanra sunan kan. Alejandro ai mihta ni upla nani ra sain munan sâp taki banhbia. Bara mahka witin ai tânka ba param saki baha nani dukiara aisaia munan.

Apastil Nani Sturka 21:40

Bara kamandanti ba mita sans yan aisaia, bara Pal mahka tips ra bûi, upla nani ra ai mihta ni sain yan sâp takaia. Upla sut sâp takan ba ra, witin Hibru bîla ra naku aisin: