Luk 1:13 - DAWAN BÎLA AISKA

¹³ Sakuna insal ba bila: —Si bripara, Sakaraya. Gâd mita puram sunra ba walan, bamna mayam Elisabet luhpa waitna kum baikbia, bara ai nina ba Jan mâkma.

Luk 1:13 ပူးပေါင်းရင်းမြစ်များ

Blasi Sturka 17:10

Naha sika lâika ba man nani wal yang daukisna ba, man nani bara kiamkam nani sut lâika na daukaia sma: Waitna bani man nani tilamra bâra ba, Aisa sainka ba klaki kaia sa.

Blasi Sturka 17:19

Gâd pana witin ra win: —Yang mai wîri ba lika, man mayam Sara luhpiam waitna kum baiki maikbia, bara man bui witin ai nina ba Aisak mâkma. Bara witin wal yang lâika ban kaia ba daukamni, ai kiamka nani ai ninara aula ba aikuki sin lâ daukamni.

Blasi Sturka 18:14

¿Diara kum bâra sa ki, Dawan mapara ban karna pali witin daukaia sip apia ba? Bamna piua maikri ba kat mani wala aula ba yang kli man ra bal mai kaikamna, bara Sara ai luhpia waitna kum bribia.

Blasi Sturka 25:21

Rebeca ba biarapara sip luhpa baikras kan, bara Aisak ai maya dukiara Dawan ra ai pura sunan. Ai pura sunan ba Dawan walan bara Rebeca kwihra tiwan.

Lawana Nani 113:9

Biarapara mairka ra yabisa utla kum brih iwaia, ai luhpia nani baiki yapti liliakira baku kaia. ¡Dawan nina ba mayunan kabia!

Lawana Nani 118:21

Dawan, yang bui man ra tingki mai wisni, kan man bui yang ra aisaram bamna, kan man sika yang sasakriki sma ba.

Aiseya 8:3

Ba ningkara prapit mairin, yang mayi ba wal prawri, witin kwihra tiwan, luhpa waitna kum baikan. Bamna Dawan bui ai win: “Nina ba Maher-salal-hasbaz mâks.

Daniel 10:12

Bara ai win: ‘Daniel, man si bripara, kan baha pas yua diara karna nani tânka briaia munatna ba, bara Gâd ra mâyara bawatma ba piua ra, witin puram sunra ba walan. Baha mita sika yang balri na.

Oseas 1:4

Bara Dawan bui Oseas ra win: “Luhpia waitna baikan ba nina Jezreel mâks, yang tisku pali king Jehú kiamka nani sut klala yabamna, witin Jezreel ra wih upla nani iki tikan bamna, bara Israel kingka lâka ba kat takaskamna.

Oseas 1:6

Bara Gómer kli kwihra tiwan, ai luhpia mairin baikan. Dawan kli Oseas ra win: “Luhpiam mairin nina Lo-ruhama mâks, Israel kingka lâka ba, ban umpira kaiki kamna apia, witin nani pâtka ba swih tikamna apia bamna.

Matiu 1:21

Witin luhpa waitna kum bribia, bara ai nina ba Jisas mâkma., Baku ai nina mâkbia, kan witin bui ai uplika nani ai saurka nani wina swaki sâkbia bamna.”

Matiu 14:27

Sakuna Jisas aisi, naku win: —¡Kupiam karna bris; yang sna, si bripara!

Matiu 28:5

Bara insal ba mita mairka nani ra win: —Man nani si bripara. Yang kaikisna man nani ba Jisas dus prihni ra pruan ba plikisma.

Mark 16:6

Sakuna witin bila mairin nani ra: —¡Sirang iwpara! Man nani Jisas Nasaret wina dus prihni ra sabata ba plikisma. Witin buan sa; nahara sin âpu sa. Kaiks witin tnikan pliska ba.

Luk 1:14

Aisubi takbia ba dukiara man liliam tara bara âmyapah kama, bara upla manis sin lilia pali kabia.

Luk 1:30

Bara insal ba bila: —Si bripara, Meri, Gâd mita man ra yamni pali mai kaikan sa bamna.

Luk 2:21

Yu 8 alkan ba ra, tukta lupia ra Aisa sainka daukan, nina sin Jisas mâkan. Baha pali nina ba insal mita Meri ra mâkbia win, kau witin kwihra tiwras kan ba ra.

Apastil Nani Sturka 10:31

Bara naku ai win: ‘Cornelio, Gâd lika man puram sunra ba walan, bara ai kupia sin krawan man mita upla umpira nani ra hilp munisma ba.

Wihta Nani 6:23

Sakuna Dawan pana witin ra win: —Si bripara, man pruma apia. Yang kupi kumi lâka ba bris.

1 Samuil 2:21

bara Dawan bui Ana ra yamni munan, witin kwihra tiwan, ai luhpia waitna yumhpa bara ai luhpia mairin wâl brin, bara Samuil lika ban Dawan lâka ra pâwi kan.